ASNN – Grupi A i Kategorisë së Dytë të Kampionatit Kombëtar të Futbollit e ka dhënë një javë përpara përfundimit verdiktin e tij përsa i përket vendit të parë dhe Korabi realizon ëndrrën duke u ngjitur në Kategorinë e Parë pas më shumë se gjysmë shekulli. Dibranët kishin qenë për herë të fundit në të Parën më 1963 dhe pas 52 vitesh rikthehen sërish aty. Ndeshja e djeshme ndaj Albpetrolit është kthyer në një festë të vërtetë, përtej fitores 3-0.

Rreth 6 mijë tifozë kishin mbushur stadiumin e Peshkopisë dhe në fund kanë zbarkuar në fushë duke festuar suksesin. Valle, këngë dhe spektakël. E gjithë Dibra ka festuar dje realizimin e ëndrrës nga Korabi. Nuk kanë munguar as tifozët nga Dibra e Madhe, në një kohë që është shpalosur një flamur gjigant kuqezi dhe një banderolë ku shprehet solidariteti me shqiptarët e Kumanovës që përjetuan momente të errëta gjatë dy ditëve të fundit në Maqedoni.

Korabi ka regjistruar edhe një tjetër rekord duke arritur 22 fitore dhe vetëm një barazim, në një kohë që nuk ka pësuar asnjë humbje. Në fund, trajneri Laçi u shpreh i lumtur për këtë sukses të Korabit duke falënderuar tifozët për mbështetjen. Gjithashtu, edhe presidenti Femi Mëziu deklaroi: “Jam shumë i lumtur për këtë sukses. Ishte një synim që ia kishim vënë vetes që në fillim të sezonit. Festa e sotme (dje) qe spektakolare. Të gjithë dibranët e meritonin këtë sukses.”

Në takimet e tjera, Skraparit ka fituar me përmbysje, 2-1 në shtëpi ndaj Partizanit B dhe hedh një hap drejt mbijetesës, ndërsa Luzi2008 është mundur minimalisht në shtëpi nga Shënkolli. Po kështu, ka fituar minimalisht në shtëpi Domosdova ndaj Vorës dhe skuadra vendase siguron mbijetesën. Olimpiku fiton lehtësisht 4-3 ndaj një Erzeni që po mendon “play-out”-in, ndërsa Tirana B ka fituar 3-2 ndaj Sukthit.

Kategoria e Dytë

Grupi A

Java e 23-të

(10 maj 2015)

KORABI – ALBETROLI                    3-0

OLIMPIKU – ERZENI                       4-2

SKRAPARI – PARTIZANI B           2-1

TIRANA B – SUKTHI                        3-2

DOMOSDOVA -VORA                    1-0

LUZI 2008 – SHËNKOLLI               0-1

Renditja

Nr.       Skuadra                                 N.        F.         B.        H.        Gsh-Gp          Pikë

1. Korabi Peshkopi 23        22        1          0        45-9                67
2. Erzeni Shijak 23        19        1          3        62-23              58
3. Partizani B 23        14        4          5        39-15              46
4. Luzi 2008 24        13        3          8        34-19              42
5. Vora 23        8        7          8        34-29              31
6. Shënkolli 23        8        5          10        36-32              29
7. Tirana B 23        7        6          10        43-48              27
8. Albpetrol Patos 23        6        7          10        23-27              25
9. Sukthi 23        8        4          11        26-32              25
10. Domosdova Prrenjas 23        6        2          15        24-49              20
11. Teuta B 23        5        4          14        27-38              19
12. Skrapari 23        4        4          15        21-65              16
13. Olimpiku Tiranë 23        4        4          15        33-61              13