ASNN – Me vetëm 11 pikë të grumbulluara në 18 ndeshje, situata tek dibranët nuk duket shumë e qetë. Merkato e janarit pritet të sjellë shumë largime. Deri në këto momente i larguar zyrtarisht është Vangjel Zguro, i cili është prezantuar tek Luftëtari.
Ashtu siç bëhet e ditur, një pjesë e titullarëve janë në pikëpyetje, pasi paraqitja e tyre nuk ka qenë në pritshmëritë e drejtuesve. Trajneri Gerd Haxhiu po studion me kujdes elementët, që i nevojiten ekipit të tij.
Kjo, për të parë më pas brenda mundësive, se cilët lojtarë mund të afrojë. Ajo që mbetet e sigurt deri në këto momente është se tek Korabi, muaji janar do të sjellë lëvizje në merkato, si në hyrje ashtu dhe në dalje.
