ASNN – Komiteti “HatTrick” i UEFA-s diskuton projektet, mbledhja e radhës mbahet në Helsinki. Kështu, Komiteti HatTrick i UEFA-s është mbledhur të premten, në Nion të Zvicrës, për të diskutuar ecurinë e projekteve të organizmit që qeveris futbollin evropian, si edhe miratimin e disa pikave kryesore.
Në këtë mbledhje mori pjesë edhe Zv.Presidenti i UEFA-s dhe Presidenti i Federatës Shqiptare të Futbollit, Armand Duka, në cilësinë e Nën Kryetarit të “HatTrick”. Gjatë mbledhjes në Nyon të Zvicrës u miratuan pikat e diskutuara në dy mbledhjet e fundit të këtij Komiteti, që janë mbajtur më 4 tetor 2023 në Beograd dhe 11 dhjetor 2023 online.
Një nga temat kryesore ka qenë edhe diskutimi dhe miratimi i projekteve të paraqituara në këtë Komitet, si edhe çështjet financiare. Gjithashtu është diskutuar lidhur me bashkëpunimin në projektin e zhvillimit të futbollit “FIFA Forward”,por edhe ecurinë e punës së Akademisë së UEFA-s.
Po kështu, u vendos edhe data dhe vendi për mbledhjen e radhës të Komitetit HatTrick që do të mbahet në kryeqytetin e Finlandës, Helsinki, më 2 tetor 2024.
