ASNN – Në seancën e fundit stërvitore të Kombëtares, trajneri Xhovani De Biazi ka filluar të mendojë për më të keqen, mosriaftësimin e plotë të Lorik Canës. Edhe pse kapiteni i Kombëtares kuqezi i është bashkuar grupit të ftuar nga De Biazi, ai nuk ka bërë asnjë stërvitje të plot, por vetëm disa nxehje, veçantë nga pjesa tjetër e skuadrës.
De Biazi e ndau skuadrën në dy grupe, Lorik Cana dhe Burim Kukeli, që sapo janë riaftësuar nga dëmtimet që kanë pësuar me Nantën dhe Zyrihun, për momentin nuk konsiderohen pjesë e formacionit titullar që do të hidhet në fushë ndaj Serbisë në mbrëmjen e 8 tetorit.
Për të qenë i përgatitur për më të keqen trajneri italian provoi në qendër të mbrojtjes Arlind Ajetin me Berat Gjimshitin. Me pjesën tjetër të skuadrës nuk është stërvitur mesfushori i Tiranës, Ervin Bulku, i cili vazhdon të vuajë problemet në shpinë. Në stërvitjen e fundit, nuk ishte i pranishëm as mbrojtësi Naser Aliji, i cili po rikuperohet nga një dëmtim në tendinën e kaviljes së djathtë.
Ndeshja me Serbinë është tepër e rëndësishme për Eliminatoret e “Euro 2016”-s. Trajneri De Biazi pati në dispozicion gjatë stërvitjes të gjithë futbollistët, përveç Ervin Bulku, i cili është i dëmtuar. Në stërvitjen e të martës paradite, trajneri kuqezi i la gazetarët të ndiqni përgatitjet për një kohë më të gjatë se zakonisht, duke treguar se ekipi i qetë para sfidës së 8 tetorit.
Pak shqetësime shfaqi mbrojtësi Naser Aliji, për shkak të problemit me tendinën e këmbës së djathtë, ndërsa kapiteni Lorik Cana u stërvit me ngarkesë të plotë. Loja e kuqezinjve pritet të mbështetet në atë me shumë pasime, nisur hapësirat që mund të krijohen nga shtatlartësia e mbrojtësve serbë. De Biazi pranoi gjatë daljes për mediat se e ka formacionin në kokë, por pa e zbardhur atë.
Megjithatë nuk priten shumë ndryshime nga takimet me Danimarkën dhe Portugalinë. Shqipëria është shumë pranë realizimit të ëndrrës që mund të bëhet e prekshme që në sfidën me Serbinë, të enjten në “Elbasan Arena”. Takimi midis Shqipërisë dhe Serbisë do të sillet për sportdashësit drejtpërdrejt nga Rrjeti i Radio-Televizionit Shqiptar, në një transmetim maratonë.
