ASNN – Federata Shqiptare e Futbollit ka bërë të ditur se ka nisur shitja e biletave për ndeshjen e vlefshme për Eliminatoret e Botërorit 2018, që Shqipëria do të luajë ndaj Italisë në Palermo.
Sipas organizmit që qeveris futbollin shqiptar, çmimi i biletave për ndeshjen që zhvillohet në Stadiumin “Renzo Barbera” do të jetë 12 euro.
“Të gjithë sportdashësit dhe personat e interesuar të drejtohen pranë FSHF dhe te jene te pajisur me kartat e identitetit në mënyrë që të kenë mundësi për tu pajisur me biletën e ndeshjes”, – thuhet në njoftimin e afishuar në faqen zyrtare në Internet.
