ASNN – UEFA ka publikuar në faqen e saj zyrtare në Internet mënyrën se si mund të aplikohet për të blerë biletat e finaleve të Kampionatit Evropian “Francë 2016”. Blerja e biletave për Shqipërinë fillon në datën 14 dhjetor. Çdo aplikant ka të drejtë të blejë deri në 4 bileta.
Të gjithë sportdashësit që kanë dëshirë të ndjekin drejtpërsëdrejti ndeshjet e kombëtares shqiptare në finalet e kampionatit Evropian “Francë 2016”, tashmë kanë mundësi të aplikojnë “on-line” për t’u pajisur me bileta. UEFA ka publikuar në faqen e saj zyrtare, mënyrën se si mund të blihet bileta.
Pasi hyn në faqen e UEFA-s, klikon në Euro 2016, zgjedh fjalën biletat dhe më pas kombëtaren, pra Shqipërinë. Pasi klikon mbi fjalën Shqipëria, del edhe mënyra e e blerjes së biletës. Mjafton të përzgjedhës mundësitë e duhura, nëse je rezident në Shqipëri apo shtetas shqiptar.
Hapat e tjerë janë: zgjedh ndeshjen që do, kryen aplikimin dhe deri në fund të shkurtit ju vjen bileta në adresën tuaj të e-mailit. Çdo aplikant mund të marrë deri në 4 bileta për ndeshje. Kjo është tabela me çmimet e ndeshjeve për të gjitha fazat e finaleve Francë 2016. Blerja e biletave për Shqipërinë fillon në datën 14 dhjetor 2015.
Ja çmimet e biletave:
Ndeshja hapëse e Evropianit
Kategoria 4: €75
Kategoria 3: €195
Kategoria 2: €395
Kategoria 1: €595
Raundi i 1/16
Kategoria 4: €25
Kategoria 3: €55
Kategoria 2: €105
Kategoria 1: €145
Çerekfinalet
Kategoria 4: €45
Kategoria 3: €85
Kategoria 2: €135
Kategoria 1: €195
Gjysmëfinalja
Kategoria 4: €65
Kategoria 3: €165
Kategoria 2: €295
Kategoria 1: €495
Finalja
Kategoria 4: €85
Kategoria 3: €295
Kategoria 2: €595
Kategoria 1: €895
