ASNN – Komiteti Olimpik Kombëtar Shqiptar, nëpërmjet një njoftimi për shtyp, ka lajmëruar se sot, në ora 11:00, në mjediset e Hotel “Tirana International”, do të zhvillojë një seminar me federatat sportive për programin botëror të solidaritetit olimpik të katërvjeçarit 2017-2020.
Madje Federatat Sportive do të informohen për pjesëmarrjen në Festivalin Rinor Olimpik Evropian, i cili sivjet do të zhvillohet në Gior të Hungarisë, si dhe për Lojërat Mesdhetare “Tarragona 2018”, apo Lojërat Olimpike Rinore, që po më 2018-ën zhvillohen në Argjentinë.
