KOK-u ndihmon federatat anëtare në Kosovë, KOKSH-i “fle” në Shqipëri

Share Button

AlbanianSport.com 22/12/2020 23:05

ASNN – Organizmi olimpik i Kosovës shpërndan një fond prej 23,000 Eurosh. Sipas asaj që raportojnë mediat e Prishtinës, Komiteti Olimpik i Kosovës (KOK) u ka ardhur në ndihmë të mëtejshme federatave, anëtare, duke shpërndarë një fond prej 23,000 eurosh. Bordi i organizmit që qeveris lëvizjen olimpike në Kosovë ka marrë të martën një vendim që të mbështesë me nga 700 euro Federatat olimpike dhe nga 500 euro ato jo-olimpike, si ndihmë pas vështirësive të krijuara nga epidemia e Covid-19.

“Shuma e ndarë për federatat është rreth 23 mijë euro, të cilat do të ndahen nga 700 Euro për Federatat Olimpike dhe 500 për Federatat jo-olimpike të Kosovës”, – thuhet në njoftimin e në njoftimin e KOK-ut. Natyrisht, e ndarë për çdo federatë, kjo është një shumë simbolike, kryesisht për të mbuluar kostot operative, por duhet kujtuar këtu se KOK-u ka mbuluar me fondet e veta edhe shpenzimet e përgatitjeve në këtë kohë epidemie edhe për sportistët elitarë të xhudos, boksit, mundjes dhe notit.

Për federatat olimpike, KOK-u ka përfituar fonde nga Shoqata e Komiteteve Olimpike Kombëtare (ANOC), Komiteti Olimpik i Evropës (EOC) dhe Komiteti Olimpik Ndërkombëtar (IOC). “Për të mos anashkaluar Federatat Jo-Olimpike, Bordi Ekzekutiv i KOK-ut ka vendosur që këto federata të mbështeten nga të ardhurat e sponsorëve të KOK-ut”, – sqaron në mbyllje njoftimi i KOK-ut. Në fakt, në fund të qershorit, Komiteti Olimpik Evropian (EOC) do të shpërndarë plot 2,800,000 për Komitetet Olimpike Kombëtare të vendeve të Evropës.

Kjo, në mënyrë që t’i mbështesë ata në nevojat e veçanta që kanë lindur për shkak të shpërthimit të epidemisë së virusit “Covid-19” dhe shtyrjes së Lojërave Olimpike “Tokio 2020”. Një gjë të tillë e ka bërë të ditur vetë organizmi që qeveris lëvizjen olimpike kontinentale, ndërsa njoftimi është publikuar edhe në profilin zyrtar të Komitetit Olimpik Kombëtar Shqiptar (KOKSH) në rrjetin social “Facebook”.

Kjo mbështetje financiare do t’u mundësojë Komiteteve Olimpike Kombëtare të përballojnë kostot shtesë që mund të kenë lindur në përgatitje për Lojërat Olimpike të Tokios, që tanimë janë programuar për vitin 2021, probleme që kanë lidhje me një sërë aspektesh, përfshi përgatitjen e atletëve, materialet dhe pajisjet, administratën e këtyre Komiteteve si dhe komunikimin dhe mbrojtjen që kanë në qendër masat ndaj virusit korona.

Thuajse gjysma e kësaj shume, rreth 1,250,000 dollarë amerikanë, është ndarë në mënyrë të barabartë midis 50 Komiteteve Olimpike Kombëtare të Evropës dhe, për këtë arsye, çdonjëri prej tyre, pra edhe Komiteti Olimpike Kombëtar Shqiptar (KOKSH), ka përfituar 25,000 dollarë amerikanë, ose rreth 2,765,000 lekë, që do të vihen menjëherë në dispozicion të tij. Ndërkohë që Kosova e ka bërë të ditur se e ka shpërndarë këtë fond, nga ana e Komitetit Olimpik Shqiptar, që është përfshirë vetë në një kaos të plotë gjatë këtyre 2-3 viteve të fundit, nuk ka asnjë informacion sesi janë përdorur këto para.

Artikuj të tjerëFaqja Kryesore

“Kënga e fundit e mjellmës”… një lamtumirë për 5 futbollistë kuqezi

“Kënga e fundit e mjellmës”… një lamtumirë për 5 futbollistë kuqezi

AlbanianSport.com 15/11/2024 23:40 ASNN – Për herë të fundit në ngjyrat kuqezi, 5 futbollistë i japin

Kombëtarja / Suçek: Tirana na sjell kujtime të këqija, uroj t’i lëmë pas

Kombëtarja / Suçek: Tirana na sjell kujtime të këqija, uroj t’i lëmë pas

AlbanianSport.com 15/11/2024 23:05 ASNN – Ai do të përjetojë një natë të veçantë këtë të shtunë në “Arenën

(Video) Kombëtarja / Kuqezinjtë mbyllin përgatitjet për sfidën çeke

(Video) Kombëtarja / Kuqezinjtë mbyllin përgatitjet për sfidën çeke

AlbanianSport.com 15/11/2024 22:30 ASNN – Liga e Kombeve, Kombëtarja mbyll përgatitjet në “Arenën Kombëtare”, gati për ndeshjen ndaj Çekisë. Kështu, Shqipëria e futbollit është gati për takimin e parë të nëntorit ndaj Çekisë, teska skuadra kuqezi, me në krye trajnerin Silvinjo, mbylli mbrëmjen e së premtes përgatitjet në Stadiumin “Arena Kombëtare” në kryeqytet. Sipas burimeve

(Video) Kombëtarja / Silvinjo: Formacioni? Do të pres deri në fund

(Video) Kombëtarja / Silvinjo: Formacioni? Do të pres deri në fund

AlbanianSport.com 15/11/2024 21:55 ASNN – Trajneri i Kombëtares, Silvinjo, tregoi edhe se si paraqitet

Kombëtarja / Trajneri i Çekisë, Hashek: Synojmë gjithçka në Shqipëri

Kombëtarja / Trajneri i Çekisë, Hashek: Synojmë gjithçka në Shqipëri

AlbanianSport.com 15/11/2024 21:20 ASNN – Trajneri i Çekisë, Hashek: Synojmë maksimumin kundër

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh