Federata Shqiptare e Kikboksit me president Xhavit Bajramajn dhe sekretar të përgjithshëm Bledar Kuka dje në mesditë, në sallën sportive “Farie Hoti”, ka zhvilluar Kupën e Shqipërisë. Të paktën sipas informacionit që ka sjellë sekretari Kuka në këtë aktivitet kanë shkëlqyer tre skuadra. Dhe ato janë Apolonia, “Java Gym” dhe “Fight Club” Vlora, skuadra të cilat nxorrën nga katër fitues.

Për Apoloninë, fitues dolën Fabio Levendi, Renato Dragoti, Anxhelo Gjoka dhe Fabio Ferko, duke humbur vetëm njëri nga sportistët e saj, Bjordi Rustemi. Shpërblim ky për punën e bërë nga trajneri Marsel Dhima dhe stafi i tij. Shumë mirë u paraqit “Java Gym” që i nxori fitues të pesë sportistët e tij. Vëllezërit Jakupi, Stivëni dhe Bruni, fituan bindshëm, po ashtu Julian Alla dhe Ermir Dervishi.

Ish-kampioni Bedi Dyrmishi ishte në rolin e trajnerit. Fight Club Vlora vazhdoi me ecurinë tepër të kënaqshme. Pas suksesit në Itali, ekipi i trajnerit Alban Lelo, doli triumfues tek vajzat me Ilda Lelon, ndërsa tek djemtë mori tre vende të para me Igli Metushin, Omer Dulajn dhe Edi Shehajn. Sportistë të tjerë të dalluar ishin Sejdi Muzhaka e Erdis Malaj të Adi Kuan-it, Konstandin Kokolli i Tempullit të Hekurt të Gjirokastrës, Tauland Sinani i Egnatias, si dhe Nini Bundo i Top Gym Sportit.

Fituesit e Kupës së Shqipërisë 2015 në Kikboks:

Vajza

Ilda Lelo (Fight Club Vlora)

Djem

Fabio Levendi (Apolonia)

Erdis Malaj (Adi Kuan)

Konstandin Kokollo (Tempulli i Hekurt)

Renato Dragoti (Apolonia)

Fabio Ferko (Apolonia)

Anxhelo Gjoka (Apolonia)

Sejdi Muzhaka (Adi Kuan)

Nino Bundo (Top Gym Sport)

Brus Jakupi (Java Gym)

Stiven Jakupi (Java Gym)

Julian Alla (Java Gym)

Ermir Dervishi (Java Gym)

Tauland Sinani (Egnatia)

Igli Metushi (Fight Club Vlora)

Omer Dulaj (Fight Club Vlora)

Edi Shehaj (Fight Club Vlora)