ASNN – Lionel Mesi është i gatshëm të largohet nga Barcelona, dhe të transferohet në Premier Ligën Angleze, ku interesim kanë shfaqur tri skuadra të mëdha. Është tabloidi britanik, “The Sun”, i cili pretendon se ylli argjentinas është i gatshëm të largohet nga “Kamp Nou”, dhe të zhvendoset në futbollin anglez.
“The Sun” shkruan se interesim për Mesin kanë shfaqur Çellsi dhe dy rivalet e Mançesterit, Junajtid dhe Siti. Madje, sipas këtij tabloidi, këto klube kanë biseduar me përfaqësuesit e argjentinasit, ndërsa raportohet se Mesi e ka pritur mirë interesimin e gjigandëve nga Anglia.
Thuhet se argjentinasi mund të largohet nga Barcelona në verën e vitit 2017, një vit para se t’i skadojë kontrata ne klubin katalan. Një nga arsyet që duket se do ta detyrojë Mesin të largohet nga Barcelona është se kohët e fundit, futbollisti argjentinas është duke u vënë nën presion nga spanjollët për shmangie të tatimeve.
