ASNN – Niveli më i lartë i Kampionatit Kombëtar të Volejbollit për Femra, që njihet si grupi A1, ka luajtur të shtunën ndeshjet e javës së tij të 10-të dhe 4 skuadrat që janë pretendente për të siguruar vendin në “play-off”-in për titull, nuk kanë gabuar, duke i mbyllur ndeshjet e tyre në 3 sete.

Kështu ka bërë kryesuesja e renditjes, Barleti Volej, e cila ka fituar 3-0 në Peshkopi ndaj Korabit vendas, por po kështu ka bërë edhe Tirana, që e ka kthyer një seancë stërvitore ndeshjen me Skënderbeun, skuadër e cila e ka të vështirë të bëjë diferencën me më të forta se ajo.

Po kështu kanë bërë të kuqet kryeqytetase të Partizanit, që kanë triumfuar pa shumë probleme në Shkodër ndaj Vllaznisë vendase. Volejbollistet e trajnerit Roland Tarja e kanë fituar setin e parë 13-25. Më pas të dytin 10-25 dhe në tretin 18-25 dhe në fund 0-3. Edhe Teuta e vendit të 4-t nuk e ka falur në shtëpi Lushnjën.

Kampionati Kombëtar

i Volejbollit – Femra

Grupi A1

Java e 10-të

(24 shkurt 2018)

Korabi – Barleti Volej           0-3

Tirana – Skënderbeu          3-0

Vllaznia – Partizani             0-3

Teuta – Lushnja                   3-0

Renditja

Nr.       Skuadra         N.        F.         H.        Setet               Pikë

1. Barleti Volej   10        10        0          30-3                30
2. Tirana             10          8        2          24-9                24
3. Partizani        10          8        2          25-8                23
4. Teuta              10          6        4          22-15              18
5. Skënderbeu  10          4        6          14-19              12
6. Vllaznia         10          2        8          11-24                7
7. Lushnja         10          1        9            4-27                3
8. Korabi                        10          1        9            3-28                3