ASNN – Kastrioti u përball dje me Sopotin në një ndeshje miqësore të zhvilluar në Krujë. Takimi u fitua nga vendasit me rezultatin 1-0, gol i cili u shënua nga sulmuesi Taulant Marku. Kastrioti e nis ndeshjen në sulm dhe i pari që provon është Çutra, por tentativa e tij është e pasuksesshme.

Nuk kalojnë shumë minuta dhe Sopoti detyrohet të bëjë një zëvendësim, pasi Çota dëmtohet në kokë pas një përplasjeje me një nga lojtarët vendas. Do të duhej të vinte minuta e 35-të e takimit për të ardhur goli i parë i këtij takimi. Është sulmuesi Taulant Marku ai që shënon dhe dërgon Kastriotin në dhomat e zhveshjes në epërsi me një gol.

Me nisjen e fraksionit të dytë të dy trajnerët kryejnë mjaft zëvendësime të shumta. Krutanët kanë mundësi të dyfishojnë shifrat pas fitimit të një 11-metërshi nga Kabriu. Ekzekutimi kryhet nga Çutra, por portieri Bejte i mohon golin duke e mbajtur ndeshjen të hapur. Megjithatë, goli i Markut mbetet në fuqi deri në fund, duke u dhënë fitoren krutanëve.

Kastrioti – Sopoti       1-0

Shënues: Marku 35’