ASNN – Kryebashkiaku Mziu, i kënaqur me nënshkrimin e kontratave të futbollistëve: “Do  të jetë një shtysë më shumë për t’u ngjitur në elitën e futbollit shqiptar”. Gjatë prezantimit të tre futbollistëve Mziu u shpreh shumë i kënaqur me nënshkrimin e kontratave me këto lojtarë, të cilët kanë qenë të kërkuar dhe nga ekipe të tjera, ndërsa ata japin garanci për t’u ngjitur në elitën e futbollit shqiptar.

“Jam i kënaqur me nënshkrimin e kontratës me ju, sepse do të jetë një shtysë më shumë për të qenë pjesë e Kategorisë Superiore vitin që vjen”, – tha Mziu. Ndërsa sa i përket mesfushorit, i cili ka një eksperiencë të madhe në Superligë, Jetmir Sefa, në prezantimin e tij, Mziu i tha që, përveçse është një vlerë e shtuar për Kamzën, e adhuronte edhe kur ishte pjesë e ekipeve të tjera.

E tashmë janë të gjithë me fat që e kanë në skuadër. Mziu u shpreh i sigurt që Sefa do të ndikojë jo vetëm me lojën e tij, por edhe me golat e tij, ndërsa do ta ndihmojë Kamzën për t’u ngjitur në Superiore. Kryebashkiaku Mziu e pa të nevojshme edhe afrimin e një qendërmbrojtësi siç është Basriu.