ASNN – Java e 18-të e Kategorisë Superiore nisi në kryeqytet me një surprizë të madhe. Kamza mundi Skënderbeun 1-0, duke ndërlikuar jo vetëm renditjen në zonën e fundtabelës, por edhe pozitat e skuadrës korçare, e cila gjendet në krizë të plotë, me 4 humbje radhazi dhe me vetëm një pikë në pesë ndeshjet e fundit. Skënderbeu i trajnerit Orges Shehi nuk e ka më ritmin e dikurshëm, as shkëlqimin e as forcën.

Prandaj dhe rivalët në Superiore ndihen më të motivuar për të marrë pikë të plota ndaj një skuadre që deri pak muaj më parë i merrte kundërshtarët “zvarrë”. Të premten ishte radha e kamzës të dilte me pikë të plota nga përballja me Skënderbeun, në një ndeshje ku dyshimet për një tolerim të “Ujqërve të Dëborës” ishin mjaft të mëdha. Ndeshjen e përcaktoi një gol i japonezit Masato Fukui në minutën e 43-të.

Pra Skënderbeun e ndëshkoi një “ish”, i cili për respekt ndaj ish-skuadrës nuk e festoi golin. Ishte pikërisht ky gol që rezultoi përcaktues për fatet e ndeshjes, pasi në pjesën e dytë nuk pati ndryshim rezultati e për pasojë, Kamza e trajnerit Ernest Gjoka doli me 3 pikë nga kjo përballje, një 3-pikësh ky që e ngjit Kamzën në kuptën e 15-pikëve, në vend të parafundit.

Por me vetëm një pikë më pak se Luftëtari i vendit të tetë dhe 2 pikë më pak se Tirana e vendit të 7-të. Pra gara e mbijetesës mbetet e hapur dhe më e fortë se kurrë, pasi edhe Kastrioti ndodhet në kuotën e 10 pikëve dhe ka një ndeshje për të luajtur me Kukësin ditën e dielë. Sa i takon Skënderbeut, ekipi i trajnerit Shehi mbetet në vend të 4-t, me 30 pikë, duke humbur terren ndaj rivalëve.

Sidomos ndaj Partizanit kryesues, i cili ka 36 pikë dhe të dielën do të ketë një tjetër shans në Gjirokastër për të thelluar diferencën me skuadrat e tjera rivale.

Kategoria Superiore

Java e 18-të

Të premten, 14 dhjetor 2018:

Kamza – Skënderbeu          1-0

Tirana – Flamurtari               (16:30)

Të shtunën, 15 dhjetor 2018:

Teuta – Laçi                           (17:00)

Të dielën, 16 dhjetor 2018:

Luftëtari – Partizani              (13:30)

Kukësi – Kastrioti                  (13:30)

Renditja

Nr.       Skuadra         N.        F.         B.        H.        Gsh-Gp          Pikë

1. Partizani        17        11        3            3        18-8                36
2. Teuta              17          9        5            3        23-12              32
3. Kukësi            17          9        4            4        16-9                31
4. Skënderbeu  18          9        3            6        20-13              30
5. Laçi                 17          8        5            4        15-12              29
6. Flamurtari      17          8        4            5        15-11              28
7. Luftëtari         17          5        1          11        14-20              16
8. Kamza            18          4        3          11          9-20              15
9. Tirana             17          3        5            9        18-21              14
10. Kastrioti 17          3        1          13        11-33              10