Kamza Basket ka fituar pa shumë sforco ndaj Partizanit dje pasdite në sallën kryesore të Pallatit të Sportit “Asllan Rusi” në Tiranë. Të kuqtë e kanë nisur mirë ndeshjen, ndërsa dy trepikëshat e Ismetit e kanë vënë në epërsi skuadrën e Partizanit 6-2. Partizanit godet me trepikëshat, ndërsa është i saktë Merkaj, por dhe Gozhdari.
Dhe të kuqtë janë shkëputur deri në 14-10. Mirëpo përvoja e Kamzës, falë lojës së mirë të Shestanit e Karajit, kthen në 14-15. Por të kuqtë nuk dorëzohen, ndërsa pjesa e parë është fituar prej tyre 19-15. Kamza Basket shpërthen në pjesën e dytë dhe të tretë, ndërsa ka fituar 11-22 dhe 11-26 dhe është shkëputur me 22 pikë diferencë, 41-63.
Këtu duket se Muhametaj ka menduar se ndeshja është fituar, ndërsa i ka dhënë hapësirë atyre që janë aktivizuar pak deri dhe tek djali i Aleksandër Damos. Mirëpo Partizani me Pyllën, Laçin, Ismetin, Pregjën e Merkajn gradualisht ngushton, por jo aq mjaftueshëm sa për të fituar ndeshjen.
Të kuqtë e kanë fituar pjesën e katërt 24-14, por në fund fituesit e ndeshjes janë kamzalinjtë, 65-77.
Partizani – Kamza Basket 65-77
(19-15, 11-22, 11-26, 24-14)
Partizani: Merkaj (10), Pregja (18), Gozhdari (4), Ismeti (14), Fjolla / Kristo (2), Divitaraj, Laçi (6), Hysa (2), Pylla (9). Trajner: E. Ismeti
Kamza Basket: Muhametaj, Shestani (22), Karaj (23), Daliu, Hamati (12) / Ndreko (15), F. Gjoka, Hoxha (1), Balliu, E. Gjoka (4), Damo Trajner: A.Muhametaj
Gjyqtarë: E. Koçi, O. Kasmi (Tiranë), M. Kasëmi (Vlorë)
Kampionati Kombëtar
i Basketbollit – Meshkuj
Java e 16-të
(6-7 mars 2015)
Të premten:
Partizani – Kamza Basket 65-77
Të shtunën:
Flamurtari – Tirana ora 15:30
Vllaznia – Apolonia ora 16:00
Renditja
Nr. Skuadra N. F. H. Psh-Pp Pikë
- Tirana 15 14 1 1304-981 29
- Vllaznia 15 12 3 1240-1013 27
- Kamza Basket 16 9 7 1208-1003 25
- Partizani 16 8 8 1059-1134 24
- Flamurtari 15 3 12 1036-1168 18
- Apolonia 15 0 15 833-1365 15
