ASNN – Qindra nxënës dhe qytetarë u zbavitën dje me lojërat popullore që krijuan nxënësit e Shkollës së Mesme Rrëshen. Në mesditë sheshi kryesor i këtij qyteti u tejmbush jo vetëm nga të rinjtë e shkollës, por dhe banorët, që u joshën nga lojërat tradicionale që u zhvilluan.

Këto veprimtari janë parashikuar në kalendarin e aktiviteteve në kuadër të 70-vjetorit të çlirimit të vendit. Dhjetra nxënës nga klasa të ndryshme sollën hare në shesh me lojërat e bukura popullore të tradites, ndërsa qytetarë të shumtë e kanë përshëndetur këtë aktivitet të ideuar nga drejtoria e shkollës dhe mësuesit e edukimit fizik.

Mbresa la për të pranishmit loja “kala dibrançe”, atje ku të rinjtë “ndërtuan” tre kate për të lartësuar flamurin kombëtar.