ASNN – Kampionati Kombëtar i Basketbollit ka dhënë verdiktin e parë të këtij sezoni dhe bëhet fjalë për nivelin e dytë të Kategorisë së Parë të femrave që njihet si Grupi B, atje ku fitues është shpallur Skënderbeu, që ngjitet kështu sezonin e ardhshëm një kategori më lart, në grupin A.

Ky grup ka mbyllur sezonin e tij të rregullt, në përfundim të fazës së 4-t, ku të 4 skuadrat u ndeshen nga 4 herë me sistem lige, me njëra-tjetrën dhe korçaret e mbyllën me pikë të barabarta me Apoloninë. Vendimtare në kualifikimin përfundimtar ishin ndeshjet direkte ndërmjet Skënderbeut dhe Apolonisë.

Skënderbeu shpallet fitues si pasojë e pikëverazhit më të mirë, ndërsa Apolonia e trajneres Elsa Goga do të jetë ekipi që do te luaj “play-out” me vendin e 5-të të grupit A të Kategorisë së Parë. Më poshtë po ju sjellim edhe përbërjen e skuadrës së këtij sezoni të basketbollit të femrave të Skënderbeut.

Ekipi Skënderbeut: Arula HYSENLLARI, Maria LOÇI, Rafaela LOÇI, Enkeleda LLAZAR, Iris MYZEQARI, Marina PËLLUMBI, Stela SHALLO, Gisela DEMIRAS, Fatjona HARIS, Emi JAHOLLARI, Enxhi MYZEQARI, Ornela LALAJ. Trajner: Bruno TOPI

Kampionati Kombëtar

i Basketbollit – Femra

Kategoria e Parë

Grupi B

Renditja përfundimtare

Nr.       Skuadra         N.        F.         H.        Psh-Pp           +/-        Pikë

1. Skënderbeu  12        10          2        877-647         230     22
2.        Apolonia        12        10          2        868-659         209     22
3. Partizani        12          4          8        792-824         -32      16
4. Kamza            12          0        12        505-912         -407    12

* Skënderbeu kalon në grupin A të Kategorisë së Parë

* Apolonia përballet në “play-out: me vendin e 5-të të grupit A të Kategorisë së Parë