ASNN – Pas përfundimit të ndeshjeve të javës së dytë të Kampionatit Kombëtar të Volejbollit për Femra, është një tresh rivalesh në krye të renditjes, duke udhëhequr me 6 pikë të plota. Kampionia në fuqi, Barleti Volej, Tirana e Partizani, tri skuadra kryeqytetase, kanë fituar sot në kampionat, ndërkohë që Skënderbeu i ndjek pas, me një pikë më pak.

Skuadra kampione e Barleti Volley korri suksesin e dytë në kampionat, duke mposhtur me lehtësi 3-0 Flamurtarin, në një ndeshje mes dy ekipesh në skajet e ndryshme të renditjes e me objektiva të ndryshëm. Me të njëjtën “monedhë” përgjigjet edhe Tirana, që fitoi 3-0 në Durrës ndaj Teutës vendase.

Në Shkodër, skuadra mike e Skënderbeut mposhti Vllazninë me rezultatin 3-2, në një ndeshje ku korçaret mund të kishin dalë edhe me tri pikë të plota. Jashtë fushe ka korrur fitore edhe Partizani, në suksesin e dytë sezonal, duke mundur 3-1 Elbasanin në fushën e këtij të fundit. Një fitore me përmbysje e ekipit të kuq, që rikuperoi pas disavantazhit të setit të parë, duke korrur suksesin e dytë sezonal.

Kampionati Kombëtar

i Volejbollit – Femra

Grupi A1

Java e dytë

(7 nëntor 2015)

Barleti Volej – Flamurtari    3-0

Teuta – Tirana                      0-3

Vllaznia – Skënderbeu       2-3

Elbasani – Partizani                        1-3

Renditja

Nr.       Skuadra         N.        F.         H.        Setet               Pikë

1. Barleti Volej 2          2          0          6-0                  6
2. Tirana 2          2          0          6-0                  6
3. Partizani 2          2          0          6-1                  6
4. Skënderbeu 2          2          0          6-2                  5
5. Vllaznia 2          0          2          2-6                  1
6. Elbasani 2          0          2          1-6                  0
7. Flamurtari 2          0          2          0-6                  0
8. Teuta 2          0          2          0-6                  0