ASNN – Luhen sot dy ndeshjet e fundit të javës së dytë të Kategorisë Superiore të Kampionatit Kombëtar të Futbollit. Duke nisur nga ora 16:00, në Stadiumin “Zeqir Ymeri” të Kukësit luhet ndeshja mes skuadrës vendase dhe Teutës së Durrësit.

Takimi i fundit është ai i orës 19:00, ku Partizani do të presë në “Elbasan Arena” Vllazninë e Shkodrës. Ky takim, që është edhe më i spikaturi i javës së dytë, do të sillet për sportdashësit drejtpërdejt nga Rrjeti i Radio-Televizionit Shqiptar.

Gjate ditës së diel u luajtën 3 takimet e tjera. Skënderbeu ka fituar ndaj Korabit me rezultatin 2-0, Flamurtari mundi thellë Luftëtarin, me shifrat 5-0 , ndërsa Tirana dhe Laçi janë ndarë në barazim, pa gola.

Në renditjen paraprake të javës së dytë, Kategoria Superiore kryesohet nga Skënderbeu me dy fitore, në vend të dyte është Flamurtari, me një fitore e një barazim, ndërsa tabela mbyllet nga Luftëtari, që i ka humbur të dy ndeshjet.

Kategoria Superiore

Java e dytë

Të dielën, 11 shtator 2016

Korabi – Skënderbeu           0-2

Stadiumi “Selman Stërmasi”, Tiranë

Laçi – Tirana                          0-0

Stadiumi i Laçit

Flamurtari – Luftëtari            5-0

Stadiumi “Flamurtari”, Vlorë

Të hënën, 11 shtator 2016

Kukësi – Teuta                      (16:00)

Stadiumi “Zeqir Ymeri”, Kukës

Partizani – Vllaznia              (19:00)

Stadiumi “Elbasan Arena”, Elbasan