ASNN – Ministria e Brendshme e Italisë, ka marrë një vendim rreth zhvillimeve të ndeshjeve derbi mes Lacios dhe Romës, për të evituar incidentet e mundshme, si ato që ndodhën këtë sezon.
Nga sezoni i ardhshëm, të gjitha ndeshjeve mes Lacio dhe Roma, do të luhen ditëve të diela, duke filluar nga ora 12:00.
E gjitha kjo bëhet për t’i shmangur incidentet, pasi ditën është më e lehtë të mbahet nën
kontroll situata. Në derbin e zhvilluar dje, mbetën të plagosur dy tifozë të Romës, që u therën me thika.
Edhe më herët derbet e qytetit të Romës kanë qenë problematike dhe shumë specialistë në Evropë dhe sidomos ish-figura të nderuara të këtij sporti kanë vënë në dukje se derbi Lacio-Roma është ndoshta më i vështiri në botë.
