ASNN – Kosova është mundur 1-2 nga Islanda në ndeshjen e luajtur të premten në mbrëmje Shkodër. Edhe bën një lojë të mirë, përfaqësuesja e Kosovës ndëshkohet me dy gola që në pjesën e parë. Ndërsa goli i realizuar nga Nuhiu në pjesën e dytë, është i pamjaftueshëm që Kosova të dalë me pikë nga kjo ndeshje.
Një ndeshje të vështirë ka luajtur edhe Kosova, teksa është mundur nga Islanda me rezultatin 1-2, ndeshje kjo e luajtur në Shkodër, në Stadiumin “Loro Boriçi, të premten në mbrëmje. Përfaqësuesja e Kosovës ka zhvilluar një ndeshje të mirë, të paktën për 20 minutat e para teksa ka patur edhe një përdorim të mirë të topit.
Madje në minutën e 20-të, është Valon Berisha, i cili, me një gjuajtje ballore, godet shtyllën horizontale. Por, në këto minuta të mira të skuadrës kosovare, vjen goli i Islandës. Shpërqendrim i mbrojtjes, vendosje jo e mirë në zonë e futbollistëve vendas dhe Bjërn Sigurdson e kalon topin në rrjetë në minutën e 24-t.
Përfaqësuesja e Kosovës provon sërish të shënojë, por sulmuesit e saj nuk janë të saktë para portës. Në të 35-ën minutë, Kololli ndërhyn në mënyrë të gabuar brenda zonës dhe gjyqtari i takimit akordon 11-metërsh për nordikët. Gylfi Sigurdson shënon nga pika e bardhë dhe Islanda kryeson 0-2.
me këtë rezultat mbyllet pjesa e parë. Në të dytën Kosova provon sërish dhe arrin të ngushtojë diferencën me anë të Nuhiut, i cili shënon në minutën e 53-të. Megjithë përpjekjet, rezultati 1-2 në favor të Islandës nuk ndryshon deri në fund të takimit. Kjo ishte një tjetër humbje për Kosovës në këto Eliminatore të Botërorit “Rusi 2018”.
