ASNN – Duket se beteja këtë vit nuk do të jetë e ashpër vetëm në nivelin më të lartë Kampionatit Kombëtar të Basketbollin për Meshkuj, në Superligë, por edhe në nivin e dytë, që njihet si Kategoria e Parë. Aty ku në kuadër të javës së 6-të, që ishte edhe java e parë e fazës së dytë, Invejdërs ndalën marshimin e “Tirana Eagles Basket”, duke premtuar një sfidë e fortë për një vend në Superligë.

Rivaliteti në Kategorinë e Parë në basketboll për meshkuj është mjaft i madh, sidomos pas ndeshjeve të javës së 6-të, që sollën surpriza në renditje. Skuadra e Invejdërs fitoi 87-85 ndaj Tirana Eagles Basket në “Fahrie Hoti”, në përballjen mes dy ekipeve pretendente për vendin e parë. Kjo ishte humbja e parë për Tirana Eagles Basket në kampionat dhe tashmë të dyja ekipet barazohen në krye të renditjes, me 11 pikë.

Për Invejdërs, ekipin e drejtuar nga trajneri i ri, Mikel Serbo, ky sukses është një hakmarrje për humbjen e fazës së parë. Në takimet e tjera të javës së 6-të për meshkuj, Apolonia korri fitoren e parë në kampionat, duke mundur 75-40 Flamurtarin, që i kishte mundur fierakët në takimin e fazës së parë në Vlorë. Ndërsa Elbasani fitoi 70-66 në Korçë ndaj Skënderbeut vendës në sekondat e fundit.

Te femrat, Apolonia e Skënderbeu vijojnë betejën për një vend në Grupin A sezonin tjetër. Të dyja këto skuadra fituan në ndeshjet e fundit, me fieraket që mposhtën pa probleme 79-38 Kamza Basket. Kjo e fundit mbyll renditjen pa asnjë fitore. Ndërsa Skënderbeu doli fitues nga përballja me Partizanin në kryeqytet, duke triumfuar me 24 pikë epërsi, 79-55.

Kampionati Kombëtar

i Basketbollit – Meshkuj

Kategoria e Parë

Java e 6-të:

Skënderbeu – Elbasani                   66-70

Apolonia – Flamurtari                      75-40

Tirana Eagles Basket – Invejdërs  85-87

Renditja:

Nr.       Skuadra                                 N.        F.         H.        Psh-Pp           +/-        Pikë

1. Tirana Eagles Basket          6          5          1          582-464         118     11
2. Invejdërs                                6          5          1          471-455           16      11
3. Skënderbeu                          6          3          3          446-434           12        9
4. Flamurtari                              6          2          4          392-464         -72       8
5. Elbasani                                6          2          4          395-475         -80       8
6. Apolonia                                6          1          5          423-417             6        7

Kampionati Kombëtar

i Basketbollit – Femra

Kategoria e Parë

Grupi B

Java e 5-të:

Partizani – Skënderbeu       55-79

Apolonia – Kamza Basket   79-38

Renditja:

Nr.       Skuadra                     N.        F.         H.        Psh-Pp           +/-        Pikë

1. Apollonia                   5          4          1          367-263         104     9
2. Skënderbeu              5          4          1          350-281           69      9
3. Partizani                    5          2          3          346-304           42      7
4. Kamza Basket          5          0          5          192-407         -215    5