ASNN – Janë luajtur dje 4 prej dueleve të grupit A të Kategorisë së Parë të Kampionatit Kombëtar të Futbollit dhe Besëlidhja është e pandalshme, duke marrë fitoren e 6-të në këtë kampionat dhe kryesuar tashmë e vetme në të ashtuquajturin Grupi i Veriut. Kamza nuk ka qenë “pengesë për trajnerin Sinan Bardhin dhe të tijtë, që janë treguar të pangopur me gola, duke shënuar plot 6 herë pa përgjigje.

Lezhjanët, që tashmë e shohin veten në kuotën e 19 pikë, por kanë marrë një dorë edhe skuadra fushë-krujase, pasi Iliria ka arritur të frenojë në një barazim të bardhë Stavri Nicën në debutimin e tij në stolin e Mamurrasit. Besa vazhdon të mos e shijojë fitoren në Kategorinë e Parë dhe duket se, edhe largimi i trajnerit Artan Mërgjyshi dhe zëvendësimi i tij me Sinellën nuk u ka bërë dobi verdhezinjve.

Kavajasit kanë kaluar të parët në epërsi në Burrel, por vendasit përmbysin dhe fitojnë 2-1, duke marrë tri pikë në fushën e tyre, duke parakaluar pikërisht Besën dhe duke ia lënë asaj vendin e parafundit në Grupin A. Ndërkaq, Ada e Velipojës ka pritur në Pukë Kastriotin dhe kjo ka rezultuar një fushë fatsjellëse për krutanët, që kanë fituar me rezultatin 3-1, duke i dhënë trajnerit të ri, Alert Alcani, fitoren që në debutim.

Kategoria e Parë

Grupi A

Java e 7-të

(22-23 nëntor 2014)

Të shtunën:

Burreli – Besa                                   2-1

Iliria Fushë-Krujë – Mamurrasi      0-0

Besëlidhja – Kamza                        6-0

Ada – Kastrioti                                  1-2

Të dielën:

Veleçiku – Tërbuni                          (14:00)

Renditja

Nr.       Skuadra                     N.        F.         B.        H.        Gsh-Gp          Pikë

1. Besëlidhja             7          6          1          0          19-2                19
2. Mamurrasi             7          5          2          0          12-2                17
3. Tërbuni             6          4          2          0          10-5                14
4. Iliria Fushë-Krujë 7          2          3          2          8-7                9
5. Veleçiku             6          3          0          3          6-8                9
6. Kastrioti             7          2          2          3          4-8                8
7. Burreli                         7          2          0          5          4-8                6
8. Kamza 7          1          2          4          3-13              5
9. Besa             7          0          4          3          7-11              4
10. Ada Velipojë 7          1          0          6          3-13              3

Shënuesit më të mirë:

5 gola: Malo (Besëlidhja)

4 gola: Fonseka (Mamurrasi); Marashi (Besëlidhja)

3 gola: Allamani, Jakupi (Besëlidhja); Ajazi (Iliria); Çelhaka (Besa)

2 gola: Myftaraj (Burreli); Çutra, Mone, Lekaj (Tërbuni); Abraham (Mamurrasi); Banushaj (Veleçiku); Tali (Kastrioti); Krasniqi (Besa); Nika (Ada)

1 gol: Doçi, Goxhaj, Balluku, Pasha, Kurti (Iliria); Karapici, Lala, Sulollari (Mamurrasi); Xhorxheviç, Dibra, Hoxha, Puka (Besëlidhja); Sallaku, Lushkja (Besa); Tafa, Djarmati, Mziu, Agastra (Tërbuni); Xhemalaj, Udoh (Kamza); Ferhati (Ada); Liftja (Veleçiku); Kaloshi, Julio Çezar (Burreli); Bytyçi, Kehinde (Kastrioti)