AlbanianSport.com 14/05/2019 08:50
ASNN – Ergys Alushi, me një botim kushtuar nje nga legjendave te futbollit vlonjat dhe atij shqiptar. Një prej ikonave të sulmit të Flamurtarit të madh të atyre viteve, autor i dy golave shënuar edhe ndaj Barcelonës, në dy përballje radhazi në veprimtaritë evropiane që Flamurtari i atyre viteve pati ndaj gjigandes katalane në Kupën UEFA, është përjetësuar në një libër nga gazetari dhe shkrimtari Ergys Alushi.
Ky i fundi ka sjellë një monografi të ish-sulmuesit dhe trajnerit Vasil Ruci. Emra te mëdhenj të futbollit vlonjat, por edhe ish-futbollistë të mirënjohur të atyre viteve në futbollin shqiptar, presidenti i FSHF-së, Armand Duka, dhe personalitete te qytetit, të pushtetit vendor. Një libër i veçantë, që sipas autorit, sjell sadopak një pjesë të historisë së Vasil Rucit.
Kryetari i Bashkisë së Vlorës, Dritan Leli, e ka cilësuar ish-futbollistin si një piktor në fushën e blertë. Ish-futbollisti vlonjat është vlerësuar lart edhe nga Presidenti i FSHF-së, Armand Duka. Vetë Vasil Ruci ka shprehur mirënjohjen për të gjithë ata që e ndihmuan të ndërtojë karrierën e tij.
