Tashmë ligji i plotë, por dhe relacioni i Ministres së Arsimit dhe Sportit, Lindita Nikolla, ka mbërritur tek aktorët e zbatuesit e tij. Ligji i ri i sportit, i premtuar nga qeveria aktuale për t’u bërë brenda mandatit të saj të parë në këtë katërvjeçar që tashmë është duke përfunduar, duket se po e gjen formën e tij përfundimtare. Në fakt përpjekjet patën nisur që në shtator të këtij viti, ndërsa ligjit të vjetër, që ekzistonte që nga 21 prill 2005 dhe më pas i ndryshuar më 2007-ën dhe më 2011-ën, vetëm i ishin bërë “arnime”.

Një ligj i arnuar që u kundërshtua fort nga palët e interesit, sidomos presidenti i Federatës Shqiptare të Futbollit, Armand Duka, apo dhe ai i mundjes, Martin Biba. Madje u kundërshtua fort dhe nga opozita. E në të tilla kushte, pozita qe e detyruar që ta tërhiqte më 15 dhjetor të vitit të kaluar këtë ligj të arnuar për ta ribërë nga e para. Një ligj i bërë nga e para ka gjetur dhe mbështetjen e opozitës, ndonëse ende nuk janë shprehur plotësisht.

Ndërsa që nga 7 shkurti ky ligj, së bashku me relacionin e ministres së Arsimit dhe Sportit, Lindita Nikolla, u ka shkuar Federatave sportive dhe Komitetit Olimpik Kombëtar Shqiptar. Madje Federatat, ata që kanë një numër të madh anëtarësh, e kanë përcjellë tek shoqatat e klube anëtare të tyre, sepse për një mirëfunksionim të tij duhet të ketë dhe propozime. Sepse të gjithë flasin kur është fjala për gjërat që duhet të funksionojnë në ligj, por e keqja e komunitetit sportiv shqiptar është se askush nuk lexon.

E më pas ligji siç hyn dhe del e të gjithë gjenden përpara të papriturave që është parashikuar në të. Ndonëse shpresohet që ky ligj të përmirësojë organizimin e sportit shqiptar që vuan për gjithçka deri në prapambetje totale të funksionimit…