ASNN – Në zemër të Londrës jugore, midis blloqeve të kullave dhe zhurmës së trenave, ndodhet një “oaz” i bukur, që quhet “Ebony Horse Club”. Që nga viti 2011, ky klub në Brikston ka qenë një strehë e sigurt për fëmijët e zonës, që njihet për shkallën e lartë të krimit. Këtu ata mësojnë më shumë se vetëm aftësitë e kalërimit. “Ne marrim sa më shumë fëmijë, nga zonat lokale rreth Brikstonit, të cilëve u mësojmë aftësitë e jetës përmes kuajve”, – tha David Flemingu, kreu i “Ebony Horse Club”.

Londra kohët e fundit ka hasur rritje në numrin e krimeve dhe kjo bashki, e Brikstonit, është renditur e dyta si më e rrezikshmja në qytet. Për shumë pjesëmarrës të klubit të kujave, të cilët vijnë aty, iu ofrohet një alternativë më e sigurt pas shkollës. “Kjo zonë ka shumë banda kriminale të përbërë nga fëmijët”, – thotë Abdus Mellah, anëtar i këtij klubi hipizmi.

“Nëse nuk do të ishte ky klub, shumë fëmijë do të përfshiheshin në këto banda, – vijon ai. – Por, në klubin e kalërimit, fëmijët kalojnë kohën shumë bukur dhe në mënyrë edukative, duke i shpëtuar telasheve të rrugës.” Kontakti me kafshët i ndihmon fëmijët që të largojnë ankthet e jetës sociale. Programet e klubi të kuajve, ofrojnë mundësinë që fëmijët të luftojnë streset dhe të mos i përcjellin në shtëpi. Kjo zonë ka një komunitet të madh indian dhe gëzon mbështetjen e Princit Çarls dhe bashkëshortes së tij, Kamila.

Fëmijët mund të kalojnë disa orë duke kalëruar por edhe duke kryer detyrat, të magjepsur nga fisnikëria e kuajve, këtyre kafshëve fisnike. Kuajt janë kafshë të ndjeshme dhe ato e kuptojnë kur dikush është mirë apo keq. Madje një punonjës i stallës së kuajve tregon një histori: “Para disa vitesh erdhi këtu një fëmijë, I cili as fliste dhe as i ngrinte sytë për t’u përballur me dikë. Të gjithë mendonin se ai kishte probleme. Por, më pas, pasi filloi të kalëronte, ai ndryshoi plotësisht. Tani është një fëmijë i gëzuar.”