ASNN – Sot paradreke, në mjediset e Federatës , u hodh shorti i Kampionatit Kombëtar të Kategorisë së Parë. Pjesëmarrës ishin përfaqësues të klubeve të kësaj kategorie dhe përfaqësues të medias.

Shorti u hodh nga Sekretari i Përgjithshëm i Federatës Shqiptare të Futbollit Ilir Shulku dhe përgjegjësi i Sektorit të Garave Lysien Nurishmi.   Skuadrat e kategorisë së parë ishin të ndara në dy grupe.

Në Grupin A, që njihet ndryshe si Grupi i Veriut, bëjnë pjesë Besëlidhja, Mamurrasi, Iliria e Fushë-Krujës, Kastrioti, Burreli, Kamza, Ada e Velipojës, Besa, Korabi dhe Erzeni.

Ndërsa në grupin B, ose ndryshe Grupi i Jugut, bëjnë pjesë skuadrat e Apolonisë, Elbasanit, Lushnjaës, Butrintit, Sopotit, Luftëtarit, Dinamos, Shkumbinit, Pogradecit dhe Gramshit.

Kampionati Kombëtar i Kategorisë së Parë fillon më datë 12 Shtator. Më poshtë po ju sjellim përballjet e javës të parë të dy grupeve:

Kategoria e Parë

Grupi A

Java e parë

Kastrioti – Erzeni

Mamurrasi – Besa

Kamza – Burreli

Besëlidhja – Korabi

Ada Velipojë – Iliria Fushë-Krujë

Grupi B

Java e parë

Butrinti – Gramshi

Elbasani – Lushnja

Sopoti – Shkumbini

Apolonia – Pogradeci

Dinamo – Luftëtari