ASNN – Përfaqësuesja e Kosovës në hendboll për meshkuj ka siguruar kualifikimin për në Eliminatoret e Evropianit që do të mbahet pas dy vjetësh. Hendbollistët e Kosovës të udhëhequr nga trajneri Bujar Qerimi, nuk kanë lejuar befasi në ndeshjen e dytë që u zhvillua të shtunë në Darbi të Britanisë së Madhe. Në ndeshjen e parë, të zhvilluar në Prishtinë në mesjavë, Kosova pati fituar 30-22.
Ndërkohë, në duelin e kthimit të turit paraeliminator triumfoi me shifrat 29-23, për të avancuar tutje në fazën e dytë të Eliminatoreve. Ashtu si në Prishtinë, Kosova edhe në Darbi ishte epërsi të dy golave në fushë të huaj pas pjesës së parë, madje me rezultat identik, teksa ajo u mbyll 13-11. Në pjesën e dytë, Kosova vazhdoi lojën e mirë për të kaluar në fazën tjetër të Eliminatoreve me rezultatin e përgjithshëm 59-45.
Valon Dedaj te Kosova ishte sërish më i dalluari, teska e mbylli ndeshjen me 6 gola të realizuar nga 9 raste që iu paraqitën. Pesë gola të realizuar në 7 raste i pati edhe Leonard Gegaj. I shkëlqyer ishte Armend Alaj që nga 4 gjuajtje pati po aq gola të shënuar. Nga 3 tre gola shënuan Luigj Quni dhe Bujar Ramosaj. Dy gola i pati Rron Ramadani, ndërsa me nga një gol kontribuuan Dominik Palushi dhe Jon Muqolli. Haris Berisha në portë bëri 13 pritje nga 30 gjuajtje.
