ASNN – Përfaqësuesja e Nën-20-vjeçarëve të Kosovës në hendboll për meshkuj do ta marrë rrugën drejt Lituanisë sot, ku do t’i zhvillojë ndeshjet Eliminatore të “Euro 2016”.
Sipas shortit të hedhur më parë, Kosova do të jetë në të njëjtin grup me Gjermaninë, Lituaninë dhe Rusinë.
Madje, rusët do të përballen me flamurin dhe himnin e Kosovës, vend të cilin nuk e kanë njohur ende.
Skuadra e trajnerit Fatmir Muhaxheri do t’i zhvillojë ndeshjet nga data 7, deri më 11 prill 2016, dhe trajneri kosovar është shprehur optimist për këtë përvojë.
