ASNN – Volejbolli i Meshkujve po jep një tjetër dimension të emocionit, pikërisht atë që vjen nga Kupa e Shqipërisë. Siç dihet, skuadrat janë ndarë në dy grupe, A dhe B dhe këtë të shtunë u luajtën duelet e ditës së dytë, të cilat prodhuan jo pak surpriza. Ambiciet e skuadrave janë të kalojnë në gjysmëfinale, por gara po prodhon jo vetëm rivalitet, por edhe të papritura.
Sa i takon grupit B, këtu ka surpriza të shumta, pasi nga 5 skuadra gjithsej në garë, katër kanë kuotë të barabartë pikësh pas dy ditëve të para. Në këtë grup përfshihen Erzeni, Tirana, Teuta, Farka Volej dhe Studenti. Formula e garës është që në çdo ditë garë luhen dy ndeshje dhe një skuadër e 5-të bën pushim. Kështu, të në ditën e parë, të luajtur të premten, më 7 dhjetor 2018, Tirana mundi Teutën 3-0.
Kurse Farka Volej ka shtangur Studentin 3-1. Të shtunën, në ditën e dytë të ndeshjeve në këtë grup, u fut në garë edhe Erzeni, i cili llogaritet si një prej ekipeve pretendente. Shijakasit mundin 3-1 Tiranën, në një ndeshje mjaft të rivalizuar. Kurse Teuta humbi sërish 0-3, këtë herë me Studentin. Kështu, pas dy ditësh gara në Kupën e Shqipërisë, Grupi B, 4 ekipe udhëheqin me nga 3 pikë secila dhe këto janë Erzeni, Farka Volej, Tirana dhe Studenti, kurse Teuta ka zero pikë.
Kupa e Shqipërisë
Volejboll – Meshkuj
Grupi B
Dita e parë, 7 dhjetor 2018:
Tirana – Teuta 3-0
(25-10, 25-10, 25-12)
Studenti – Farka Volej 1-3
(25-13, 17-25, 19-25, 25-27)
Erzeni (pushim)
Dita e dytë, 8 dhjetor 2018:
Teuta – Studenti 0-3
(18-25, 15-25, 11-25)
Erzeni – Tirana 3-1
(25-22, 26-24, 25-27, 25-21)
Farka Volej (pushim)
Dita e 3-të, 9 dhjetor 2018:
Studenti – Erzeni ora 16:00
Farka Volej – Teuta ora 18:00
Tirana (pushim)
Dita e 4-t, 16 dhjetor 2018:
Erzeni – Farka Volej ora 16:00
Tirana – Studenti ora 18:00
Teuta (pushim)
Dita e 5-të, 17 dhjetor 2018:
Teuta – Erzeni ora 16:00
Farka Volej – Tirana ora 18:00
Studenti (pushim)
