ASNN – Sa i përket nivelit të dytë të Kampionatit Kombëtar të Basketbollit për Femra, që njihet si Grupi B, u luajtën të premten dy ndeshjet e javës së gjashtë. Apolonia mundi Partizanin me rezultatin 75-51, ndërsa Skënderbeu mundi si udhëtues Kamza Basket me rezultatin 53-46.

Si Apolonia, ashtu dhe Skënderbeu, që udhëheqin renditjen me nga 11 pikë secila, fituan në përballjet e luajtura sot, duke korrur suksesin e 5-të në kampionat. Apolonia mundi 75-51 Partizanin në Vlorë, ndeshje ku mikeshat nga kryeqyteti nuk kishin forcën e duhur për të përballur ritmin e diktuar nga fieraket.

Fitore të rëndësishme jashtë fushe korri edhe Skënderbeu, që mundi 53-46 Kamza Basket, duke marrë dy pikë të arta për renditjen. Në këtë grup udhëheqin me nga 11 pikë secili Apolonia dhe Skënderbeu, ndjekur në vend të tretë nga Partizani me 8 pikë, më pas Kamza Basket në vend të fundit me 6 pikë.

Kampionati Kombëtar

i Basketbollit – Femra

Kategoria e Parë

Grupi B

Java e 6-të

Të premten, 23 nëntor 2018:

Apolonia – Partizani                         75-51

Kamza Basket – Skënderbeu        46-53

Renditja:

Nr.       Skuadra                     N         F          H         P

1. Apolonia                    6          5          1          11
2. Skënderbeu              6          5          1          11
3. Partizani                    6          2          4            8
4. Kamza Basket          6          0          6            6