ASNN – Edhe niveli i dytë i Kampionatit Kombëtar të Volejbollit për Femra, që njihet si Grupi A2, ka luajtur të shtunën ndeshjet e javës së tij të 7-të dhe teksa Mirdita nuk e ka falur as Apoloninë, duke fituar në 4 sete në sfidën e zhvilluar në Pallatin e Sportit “Arjana Arapi” të Rrëshenit, java ka qenë me kontraste për dy ekipet vlonjate.

Nga njëra anë, ka ardhur një fitore jo shumë e vështirë në shtëpi në 3 sete ndaj Divjakës e Vlora Volejit, që vazhdon të ruajë pozita të mira në renditjen e grupit, pas Mirditës kryesuese. Nga ana tjetër, Flamurtari e ka humbur ndeshjen e djeshme me Elbasanin, 0-3. Kjo ka qenë një ndeshje direkt për mbijetesë, teksa  elbasanaset kanë udhëhequr gjatë gjithë takimit.

Kampionati Kombëtar

i Volejbollit – Femra

Grupi A2

Java e 7-të

(24 shkurt 2018)

Minatori – Apolonia             3-1

Flamurtari – Elbasani          0-3

Vlora Volej – Divjaka           3-0

Renditja

Nr.       Skuadra         N.        F.         H.        Setet               Pikë

1. Mirdita            7          7          0          21-5                20
2. Vlora Volej     7          5          2          15-9                14
3. Apolonia        7          4          3          15-10              13
4. Elbasani        7          3          4          13-12              10
5. Flamurtari      7          2          5          10-17                6
6. Divjaka           7          0          7            0-21                0