ASNN – Gramshi e ka mundur në miqësore Erzenin, 2-0, në ndeshjen e luajtur dje në mesditë në kompleksin sportiv të Olimpikut në Yrshek. Për skuadrën e Luan Metanit kanë shënuar Gjoka dhe Ledio Koçi.

Ndërsa forma që paraqesin gramshakët si kryesues të grupit të Jugut në Kategorinë e Dytë është e atillë që të gjithë besojnë jo vetëm në daljen në të Parën, por dhe një përfaqësim dinjitoz të këtij ekipi në një kategori më lart.

Ndaj dhe dje kanë thënë të gjithë “Bravo” për skuadrën e Metanit. Por sakaq miqësorja me Gramshin ka nxjerrë përsëri probleme për shijakasit, atje ku vazhdohet të provohen lojtarë, por ende mbrojtja është shumë e dobët. Për rrjedhojë Gramshi ka fituar 2-0.