ASNN – Janë luajtur dje të 6 takimet e javës së 3-të të grupit B të Kategorisë së Dytë të Kampionatit Kombëtar të Futbollit dhe Egnatia nuk ka mundur t’i rezistojë Gramshit, me gjithë dëshirën për fitore. Miqtë fitojnë me rezultatin 3-0 dhe pas këtij 3-pikëshi, Gramshi vazhdon të kryesojë i vetëm Grupin B, me 9 pikë.

Në vendin e dytë, me 7 pikë, është Turbina, e cila ka hedhur një hap fals në takimin e zhvilluar në “Nexhip Trungu” ndaj Gramozit. Cërrikasit nuk kanë shkuar dot më tej se një barazim pa gola në përballjen me kolonjarët. Ndërkaq, “derbi” midis Himarës dhe Orikumit do të duhej të përfundonte në më pak se dy orë në kushte normale.

Por, sfida e zhvilluar në Himarë zgjat më shumë se 3 orë e gjysmë. Takimi nis me 45 minuta vonesë, pasi forcat e policisë nuk marrin përsipër të sigurojnë mbarëvajtjen e takimit. Pas shumë diskutimesh, Orikumi, që në këtë rast ishte udhëtues, bie dakord që të luajë në kushtet kur mbarëvajtja e ndeshjes garantohet nga policia bashkiake.

Takimi nis me gol dhe janë vendësit që kalojnë në avantazh pas autogolit të Havarit. Në pjesën e dytë Orikumi ka kërkuar me ngulm golin e barazimit, por pa ia arritur qëllimit. Me këtë fitore Himara ngjitet në vendin e 3-të në kuotën e shtatë pikëve. Ndërkaq, u ka sjellë fat “shtëpia” memaliotëve, të cilët, pas humbjes në fushë të huaj, kanë marrë fitoren e parë këtë kampionat.

Rezultati mund të kishte qenë edhe më i thellë, nëse vendësit nuk do të kishin nxituar aq shumë para portës. Gjithsesi, 5-0 ndaj Përmetit mjafton. Nga ana tjetër, Këlcyrjotët bëjnë autokritikë pas humbjes së thellë në Gramsh. Ndonëse e nisën me disavantazh takimin, këlcyrjotët e përmbysën rezultatin me dy gola të bukur të shënuar me kokë nga Kamberaj dhe Shahini.

Në pjesën e dytë ka qenë Sadikaj që ka realizuar golin e 3-të ndaj Delvinës. Dhe, së fundi, Tepelena ka ngecur në fushën e vet në sfidën ndaj Bilisht Sport. Sfida është mbyllur në barazim 1-1, pavarësisht se vendësit kanë krijuar shumë raste për shënim, në një ndeshje ku vendosi pjesa e parë.

Kategoria e Dytë

Grupi B

Java e 3-të

(19 tetor 2014)

Egnatia – Gramshi               0-3

Memaliaj – Përmeti              5-0

Këlcyra – Delvina                3-1

Turbina – Gramozi               0-0

Tepelena – Bilisht Sporti    1-1

Himara – Orikumi                 1-0

Renditja

Nr.       Skuadra         N.        F.         B.        H.        Gsh-Gp          Pikë

1. Gramshi 3          3          0          0          9-0                  9
2. Turbina 3          2          1          0          4-0                  7
3. Himara 3          2          1          0          6-3                  7
4. Memaliaj 3          2          0          1          8-4                  6
5. Këlcyra 3          2          0          1          4-6                  6
6. Tepelena 3          1          1          1          7-7                  4
7. Gramozi 3          1          1          1          1-1                  4
8. Egnatia 3          1          0          2          2-4                  3
9. Orikumi 3          1          0          2          3-6                  3
10. Bilisht Sporti 3 0          1          2          1-4                  1
11. Përmeti 3          0          1          2          4-10                1
12. Delvina 3          0          0          3          1-5                  0