ASNN – Me shumë gabime, Muzhaji dhe beratasit nuk janë të kënaqur me paraqitjen e tyre në Peqin. Nga ana tjetër, trajneri i peqinasve i gëzohet fitores, por për cilësinë e lojës së ekipit kërkon përforcime.
Duke folur pas ndeshjes, trajneri i Tomorit, ka theksuar: “Kemi bërë një ndeshje të mirë, ku edhe arritëm të kalonim të parët në avantazh, por për fat të keq nuk ia dolëm dot që ta ruanim atë”.
“U ndëshkuam nga gabimet tona dhe do të mundohemi që në ndeshjet e ardhshme të mos i përsërisim më”, – ka përfunduar trajneri i beratasve, Madrid Muzhaji. Ndërsa homologu i tij, trajneri i Shkumbinit, Ilir Gjyla theksoi nevojën e përforcimeve në merkato.
“Na gëzojnë tri pikët e marra, pasi edhe djemtë treguan karakter në fushë, ku ne ishim edhe në dizavantazh, – ka deklaruar ai. – Bëjmë shumë gabime në lojë, pasi jemi nën presionin e golit dhe fitores.”
“Megjithatë, në janar ndoshta duhet të shohim edhe pak në merkato për të ndryshuar disi lojën e ekipit”, – ka përfunduar trajneri i Shkumbinit, Ilir Gjyla.