ASNN – Shqipëria ka pasur në vazhdimësi portierë shumë të mirë. Në historinë e futbollit shqiptar ka pasur emra të respektuar e mjaft të arrirë në mbrojtje të kuadratit kuqezi, ku para viteve 1990 kanë spikatur Maliqati, Janku, Musta etj, ndërsa pas 1990-s dhe hapjes së Shqipërisë me botën, në Kombëtare kanë luajtur si portierë shumë lojtarë dhe të gjithë kanë lënë gjurmët e tyre.
Por askush nuk mund të krahasohet me Foto Strakoshën, i cili me një karrierë 15 vjeçare në përfaqësuese, ka luajtur me ekipin kuqezi plot 73 ndeshje, duke qenë i pakonkurrueshëm deri tani. Natyrisht, para dhe pas tij ka pasur mjaft element të talentuar, por këmbëngulja dhe puna e kanë bërë Strakoshën të ketë vijimësi dhe numër të madh ndeshjesh.
Ai ka pothuajse dyfishin dhe trefishin e portierëve të tjerë. Madje Strakosha ka një numër të madh ndeshjesh që krahasohet me Agollin, Skelën, Bushin, Duron, Lalën, etj. që kanë mbi 70 ndeshje secili. Sic dihet, i pari në listë është Lorik Cana, kapiteni afatgjatë i Shqipërisë në Euro 2016, i cili ka luajtur me përfaqësuesen 94 ndeshje. I dyti në listë është Etrit Berisha, portieri nga kosovar që luajtir në “Euro 2016”.
Ai ka qenë futbollisti më me peshë pas Lorik Canës në suksesin e skuadrës kuqezi në Eliminatoret e Evropianit të Francës. Fill pas Berishës renditet një tjetër portier nga Kosova, Arjan Beqaj, i cili pasoi pas viteve 2000 pikërisht Foto Strakoshën. Edhe Beqaj ka luajtur një numër të madh takimesh, plot 43. Portierët e tjerë që kanë luajtur midis viteve 2005-20012 janë më të shumtë si Lika, Hidi e Ujkani, që kanë më pak ndeshje.
Ndërsa së fundmi, Etrit Berisha ka qenë titullar i padiskutuar. Në fakt, muajt e fundit ka rënë “pesha” e Berishës, i cili ka parë stolin dhe në kuadrat është pozicionuar Strakosha, tashmë Strakosha i ri, pra Thomasi. Ka pak ndeshje që luan titullar, por për moshën që ka mund të thyejë edhe rekordin e babait të tij, Foto Strakosha. Më poshtë jepen portierët e Kombëtares në 30 vjetët e fundit, periudha e aktivizimit dhe numri i ndeshjeve si kuqezi.
Nr. Portieri Periudha Ndeshje
- Foto Strakosha 1990-2005 73
- Blendi Nallbani 1989-2002 18
- Arjan Beqaj 1998-2010 43
- Iljon Lika 2002-2006 14
- Isli Hidi 2005-2011 17
- Samir Ujkani 2008-2014 20
- Orges Shehi 2012-2017 8
- Alban Hoxha 2013-vijon 3
- Etrit Berisha 2012 -vijon 48
- Thomas Strakosha 2016-vijon 7
