Tirana nuk mbahet më, ndërsa dje ka shënuar plot 16 gola në portën e Universitetit Epoka. Gjithçka ka ndodhur në ndeshjen e luajtur në Pallatin e Sportit “Asllan Rusi”, e cila, në një farë mënyre, sërish ka pasur vonesa për shkak të qenies së Dëshmitarëve të Jehovait në sallën kryesore.

Jo vetëm kaq, por ka vazhduar fenomeni i të luajturit të ndeshjes së Universitetit Epoka me 30 minuta me kohë të pandërprerë, sepse drejtuesit nuk preferojnë ta paguajnë kronometristin, ashtu sikurse bën Tirana, apo KS Ali Demi kur janë pritës. Duke u ndalur tek ndeshja, bardheblutë e kanë pasur gjithçka nën kontroll.

Erjon Hoxha, Helion Hoxha, Sina, Xhaferraj, Lika, Çela, Voga janë shënuesit e golave të Tiranës. Vlen të përmendet 5-golëshi i Gjyrezit për Universitetin Epoka. Ndërkohë Tirana e ka shfrytëzuar këtë ndeshje për t’i aktivizuar të gjithë lojtarët. Që do të thotë se kanë luajtur tre portierë.

Pas Nebiut, i cili në përfundim të pjesës së parë është veshur, kanë luajtur Enesi dhe Jazenxhiu. Në përfundim mbajtje e kreut për Tiranën me goleadë.

Universiteti Epoka – Tirana                                     7-16

Shënues: Gjyrezi 6’, 30’, 32’, 38’, 42’, Hoxha 11’, 51’/

I. Hoxha 2’, 23’, Sina 4’, Xhaferraj 8’, 10’, Lika 12’, 37’, 41’, 59’,

Çela 22’, 45’, Voga 26’, 36’, 57’, 59’, H. Hoxha 29’

Universiteti Epoka: Djaloshi, Gashi, Zenelaj, Gjyrezi, Omeri / Dautovi, Hoxha. Trajner: I. Gashi

Tirana: Nebiu, H. Hoxha, E. Hoxha, Sina, Voga / Lika, Enesi, Jazenxhiu, Xhaferraj, Çela. Trajner: A. Angoni

Gjyqtarë: A. Bixhi, K. Zharkalli (Tiranë)

Kampionati i 12-të Kombëtar

i Futbollit të Sallës

Java e 10-të

(8 mars 2015)

Flamurtari – Black Sheep               3-0 (në tavolinë)

Vllaznia – KS Ali Demi                   4-2

Universiteti Epoka – Tirana            7-16

Teuta – Edro Vlora                           1-2

Renditja

Nr.       Skuadra                     N.        F.         B.        H.        Gsh-Gp                      Pikë

1. Tirana             10        7          2          1          80-37                          23
2. Flamurtari             9        7          1          1          64-20                          22
3. KS Ali Demi             10        6          1          3          43-38                          19
4. Edro Vlora             10        6          0          4          31-37                          18
5. Vllaznia             9        5          2          2          49-29                          17
6. Teuta             10        3          0          7          37-57                          6
7. Universiteti Epoka 10        1          0          9          49-105                        3
8. Black Sheep 10        1          0          9          15-45                          0

Shënim: “Black Sheep” me vendim të Komisionit të Disiplinës është përjashtuar nga kampionati