ASNN – Partizani-Flamurtari është finalja e Kupës së Shqipërisë në futbollin e sallës për sezonin 2023-2024. Mbrëmjen e të martës u luajtën të dyja sfidat që ishin përcaktuar nga shorti, Vllaznia-Partizani dhe Flamurtari-Tirana në sallën e Arenës Sportive “Dhimitraq Goga” në Shijak.
Dueli i parë ishte ai mes Vllaznisë dhe Partizanit, një ndeshje mjaft e fortë që ka përfunduar me rezultatin 8-9 në favor të të kuqve, që siguruan kalimin në finalen e madhe. Ndeshja nisi më mirë për kuqeblutë që gjetën rrugën e rrjetës të parët, megjithatë me kalimin e minutave Partizani reagoi dhe pjesa e parë përfundoi 3-4.
Pjesa e dytë nisi sërish më mirë për të kuqtë që në fund triumfuan me rezultatin 8-9. Edhe dueli tjetër mes Flamurtarit dhe Tiranës ka qenë mjaft emocionues, duke dhuruar gola dhe spektakël. Në fund triumfoi Flamurtari me rezultatin 4-3 duke i shkaktuar edhe humbjen e parë të këtij sezoni Tiranës.
Finalja e Kupës së Shqipërisë në futbollin e sallës do të luhet ditën e diel, më datë 18 shkurt 2025, po sallën e Arenës Sportive “Dhimitraq Goga” në Shijak, duke nisur nga ora 21:00.
Kupa e Shqipërisë
Futbolli i sallës
Gjysmëfinalet:
Të martën:
Vllaznia – Partizani 8-9
Flamurtari – Tirana 4-3
Finalja
Të dielën:
Partizani – Flamurtari (20:00)
