KS “Ali Demi” është fituesi i Kupës së Shqipërisë në futboll në sallë për sezonin 2014-2015. Gjithçka ka ndodhur dje në mbrëmje në Pallatin e Sportit “Asllan Rusi”, ndërsa në finale janë mundur kampionët në fuqi të këtij sezoni, Flamurtari.

Për vlonjatët e Mario Kalus nuk ka mjaftuar portieri Klodian Rrapi, i cili është bërë pengesë për “alidemsat”, të cilët jo vetëm që e kanë vënë nën shënjestër portën e kuqezinjve, por e kanë kthyer atë në një “tabelë qitjeje”.

Kavajasi i portës vlonjate është dorëzuar tek penalltitë, të cilat e kanë shpallur fituese skuadrën e Ergys Kadiut, e cila duket se është bërë “Zot” i Kupës së Shqipërisë. E kjo jo vetëm sepse e ka fituar atë për herë të tretë, por sepse duke e marrë dy sezone radhazi tregon se ia ka marrë dorën trofeut të dytë më të rëndësishëm të këtij futbolli.

Sigurisht që mungon titulli “kampion”. Por në fund të ndeshjes ka ardhur dhe premtimi i trajnerit të KS Ali Demit, Ergys Kadiu, jo vetëm për një skuadër kampione, por dhe të aftë që të konkurrojë denjësisht në arenën ndërkombëtare.

Kupën për skuadrën fituese e ka dorëzuar anëtari i Komitetit Ekzekutiv të Federatës Shqiptare të Futbollit, Vasil Bici, së bashku me presidentin e Komitetit Olimpik Kombëtar Shqiptar, Viron Bezhani.

KS Ali Demi – Flamurtari                 1-1

Shënues: Gockaj 27’ / Maze 10’

KS “Ali Demi” fiton 3-1 pas goditjes së penalltive: En.Kaca (+), Baroviç (+), Bllumbi (+) / Koçoviç (-, godet jashtë), Koçiraj (+)

KS “Ali Demi”: Meçikukiç, Bllumbi, Bajollari, En. Kaca, Baroviç / Thanasi, Gockaj. Trajner: Er. Kadiu

Flamurtari: Rrapi, K. Kalus, Maze, Koçiraj, Gurzakoviç / Koçoviç, S. Qopekaj. Trajner: M. Kalus

Gjyqtarë: K. Hakrama, G. Qirici (Tiranë)

Kartonë të verdhë: Bllumbi, Baroviç / K. Kalus, Maze, S. Qopekaj

Karton i kuq: Xhyheri

Kupa e Shqipërisë

Futbolli i Sallës

Gjysmëfinalet:

(7 maj 2015)

Flamurtari – Teuta                8-2

Vllaznia – KS “Ali Demi”      3-6

Finalja:

(10 maj 2015)

Flamurtari – KS “Ali Demi”  1-1      (1-3 pas 11-m.)

“Libri i Artë”

i Kupës së Shqipërisë

në Futbollin e Sallës

2011-2012     KS ALI DEMI

2012-2013     TIRANA

2013-2014     KS ALI DEMI

2014-2015     KS ALI DEMI