Përveç turneut në Pallatin e Kulturës “Labëria” sot Alfred Ziaji do të nderohet me titullin “Qytetar Nderi” i Vlorës, si dhe do të ketë nderime nga Komiteti Olimpik Kombëtar Shqiptar dhe Federata Shqiptare e Futbollit.

Ndërkohë pas kësaj ceremonie do të zhvillohet finalja e turneut, e cila do të diskutohet mes Flamurtarit dhe KS “Ali Demit”, sepse ky ka qenë përfundimi i turit çerekfinal dhe gjysmëfinal që dje u luajt në Pallatin e Sportit të Vlorës.

Në këtë aktivitet kanë marrë pjesë Titans, Birra “Kaon”, Vllaznia, Edro Vlora, Tirana. Ka munguar Teuta. Por gjithsesi ndeshjet, që janë gjykuar nga ndërkombëtari Kreshnik Hakrama dhe Andi Bixhi, kanë qenë cilësore duke shprehur edhe një herë që futbolli i sallës i lindur në Shqipëri nga Alfred Ziaji nuk shuhet kurrë.

Gjatë këtij aktiviteti në Pallatin e Sportit në Vlorë nuk kanë munguar as personalitetet e futbollit dhe të minifutbollit, apo dhe ish-lojtarë të Flamurtarit të kohës së të ndjerit Alfred Ziaji.

Kanë përshëndetur presidenti i Shoqatës Sportive e Minifutbollit Shqiptar, Klodian Kadiu, si dhe trajneri i Flamurtarit, Mario Kalus. Ata e kanë vlerësuar maksimalisht këtë aktivitet, ndërsa kanë bërë të ditur se ky do të jetë çdo vit në nderim të një figure kaq të madhe si Alfred Ziaj.

Kupa “Alfed Ziaji” 2016

Futbolli i Sallës

Çerekfinalet:

Flamurtari – Tirana              2-0

Titans – Birra “Kaon”           8-4

Vllaznia – Teuta                   3-0 (në tavolinë)

KS Ali Demi – Edro Vlora   3-2

Gjysmëfinalet:

Flamurtari – Vllaznia           2-1

KS Ali Demi – Titans           3-2