18 gola ka prodhur ndeshja e dytë e luajtur dje në Pallatin e Sportit “Asllan Rusi” mes Universitetit Epoka dhe “Black Sheep”, duke fiksuar një rekord më vete për kampionatit. Sigurisht që ka fituar përvoja e skuadrës së Alkion Gashit, e cila edhe duke pasur lojtarët e përvojës si Nikolli e Hysa, gërshetuar mirë me Teodorin, Sinanin, Bezhanin, Nuriun, atëherë ka ditur të jetë triumfuese.
Në fakt në kushtet kur pjesa e parë ka përfunduar 5-1 për “Black Sheep”, atëherë të gjithë janë bindur që nuk ka më lojë. Vlen të përmendet jo vetëm Sinani, që ka bërë 4 gola për Black Sheep, por dhe Gjyrezi e Omeri, të cilët kanë realizuar nga 3 gola për Universitetin Epoka. Madje 3 minuta përpara përfundimit të ndeshjes, Epoka është afruar deri në 7-8.
Por vetëm kaq, sepse Gashi e Sinani kanë thelluar në 7-10, ndërsa Gjyrezi ka fiksuar rezultatin përfundimtar 8-10 për “Black Sheep”. Ndërkohë që mes Zenelajt e Teodorit ka pasur dhe një debat të ashpër, të cilin Hakrama e ka zgjidhur me qetësi, ndërsa lojtarët kanë shtrënguar duart me njëri-tjetrin në pushim të lojës. Përfundimisht “Black Sheep” ka marrë fitoren e parë të sezonit.
Universiteti Epoka – “Black Sheep” 8-10
Shënues: Gashi 12’, Islami 35’, Omeri 41’, 45’, 53’, Gjyrezi 51’, 57’, 60’ / Nikolli 6’, Sinani 24’. 27’, 28’, 58’, Nuriu 29’, Teodori 40’, 52’, Bezhani 54’, A. Gashi 59’
Universiteti Epoka: Djaloshi, Zenelaj, Rada, Islami, Omeri / Gashi, Gjyrezi. Trajner: I. Gashi
“Black Sheep”: Jazenxhiu, Hysa, A. Gashi, Bezhani, Sinani / Nikolli, Teodori, Nuriu. Trajner: A. Nikolli
Gjyqtarë: K. Hakrama, A. Bixhi (Tiranë)
Karton i verdhë: Islami
Kampionati i 12-të Kombëtar
i Futbollit të Sallës
Java e dytë
(24 dhjetor 2014)
E enjte, 24 dhjetor 2014:
KS Ali Demi – Edro Vlora 5-1
Universiteti Epoka – “Black Sheep” 8-10
Teuta – Tirana 3-9
E diel, 4 janar 2015:
Flamurtari – Vllaznia (ora 14:00)
Renditja
Nr. Skuadra N. F. B. H. Gsh-Gp Pikë
1. Tirana 2 1 1 0 13-7 4
2. KS Ali Demi 2 1 1 0 9-5 4
3. Flamurtari 1 1 0 0 7-3 3
4. Black Sheep 2 1 0 1 14-14 3
5. Edro Vlora 2 1 0 1 4-7 3
6. Teuta 2 1 0 1 9-13 3
7. Vllaznia 1 0 0 1 2-3 0
8. Universiteti Epoka 2 0 0 2 11-17 0
