ASNN – Autoritetet tatimore në Britaninë e Madhe kanë bërë të ditur se mungojnë rreth 374 milionë euro nga taksat që nuk janë paguar nga personat e përfshirë në industrinë e futbollit që nga sezoni 2015-2016. Nga informacionet më të fundit, është konfirmuar se janë duke u hetuar për evazion fiskal 44 klube angleze, 171 futbollistë, si dhe 31 agjentë të futbollistëve.
Autoritetet në Angli ka bërë të ditur se janë duke u hetuar 44 klube dhe 171 lojtarë të përfshirë në nivelet e ndryshme të futbollit, për shkak të dyshimeve se ata i janë shmangur pagimit të taksave. Autoritetet tatimore në Britaninë e Madhe kanë bërë të ditur se mungojnë rreth 374 milionë euro nga taksat që nuk janë paguar nga personat e përfshirë në industrinë e futbollit që nga sezoni 2015-2016. Nga informacionet më të fundit, është konfirmuar se janë duke u hetuar për evazion fiskal 44 klube angleze, 171 futbollistë, si dhe 31 agjentë të futbollistëve. Ky numër ka njohur një rritje të madhe në krahasim me shtatorin e kaluar, kur nën hetim ishin 90 futbollistë, 38 klube dhe 13 agjentë. “Ne jemi duke i analizuar me kujdes marrëveshjet individuale mes klubeve të futbollit dhe lojtarëve të tyre për t’u siguruar se ata janë duke e paguar shumën e duhur të taksave në Britani të Madhe, – ka bërë të ditur një zëdhënësi shtypi i autoriteteve tatimore. – Për momentin, jemi duke i hetuar rastet e 171 futbollistëve, 44 klubeve të futbollit dhe 31 agjentëve për disa probleme të ndryshme, përfshirë këtu edhe abuzimin e të drejtave të imazhit”. Autoritetet në Angli dyshojnë se klubet dhe futbollistët kanë zgjedhur të shfrytëzojnë të drejtat e imazhit për të mos i paguar taksat. Që nga viti 2000, futbollistët e kanë pasur mundësinë t’i trajtojnë paratë e fituara nga të drejtat e imazhit si të veçanta nga paratë e fituara në klubet e tyre.
