Futboll – Femra / Vllaznia luan “tenis” në finalen e Kupës me Kinostudion

Share Button

Futboll-Femra-Vllaznia-kupa-2016-trofeu-Doci-Bici

Gjergj Vyshka 29.02.2016 07:55

Vllaznia ka fituar për herë të dytë Kupën e Shqipërisë në futboll për femra, në një ndeshje me Kinostudion të cilën jo vetëm që e ka dominuar, por ka luajtur tenis me këtë skuadër. Sepse është fund të 90 minutave, kur dhe gjyqtari i Kategorisë së Parë të futbollit të meshkujve, Laver Alla, nuk është lodhur shumë për të gjykuar, është fiksuar rezultati 6-0. Për hir të së vërtetës duhet pranuar se fillimi i ndeshjes është vonuar gati 10 minuta, sepse trajneri i Kinostudios, Gëzim Gjonpalaj, e ka pasur të vështirë të bëjë ekipin dhe më pas të plotësojë dhe protokollin.

E megjithatë, skuadrat kanë zbritur në fushë dhe, pa kaluar 3 minuta, Vllaznia ka kaluar në epërsi me anë të Gjergjit. Kinostudio nuk ka forcë reaguese, ndërsa në të 10-ën minutë, Muja, duke lënë pas dhe mbrojtjen kundërshtare, ka shënuar golin e dytë. Menjëherë vijnë zëvendësimet tek Kinostudio, por situata nuk ndryshon. Vllaznia qarkullon mirë topin dhe më pas edhe godet, por Noka arrin të shmangë pësimin e golave të sigurt.

Dhe në minutën e 38-të, në një aksion model të Gjinit nga krahu i djathtë, topin e krosuar nga kjo lojtare, Muja e ka dërguar topin në krahun e djathtë të Nokës, me një goditje perfekte me kokë, model dhe për mënyrën e gjetjes së kohës për të gjuajtur. Vllaznia nuk është ngopur, sepse Gjini, vetëm tre minuta përpara përfundimit të pjesës së parë, ka shënuar golin e katërt. E dyta është një administrim i mirë i lojës nga shkodranët, ndërsa Baro në majë të sulmit paraqet disa herë rrezikshmëri. Në të 57-ën, Vllaznia ka fituar të drejtën e një 11-metërshi, që Doçi e ka kthyer lehtësisht në gol.

Është kjo lojtare që vetëm pas gati 20 minutash me një gjuajtje të rreptë nga rreth 20 metra shënon dhe golin e 6-të. E tashmë finalja ka marrë fund, ndërsa vërshëllima përfundimtare e Laver Allës ka nisur festën e Vllaznisë, por në krahun tjetër dhe keqardhjen e Kinostudios në një paraqitje me disnivel përballë shkodranëve. Anëtari i Komitetit Ekzekutiv të Federatës Shqiptare të Futbollit, Vasil Bici, ka dorëzuar medaljet e vendit të dytë për Kinostudion dhe medaljen e fitueseve dhe Kupën për Vllazninë, që kështu është fituese për herë të dytë e Kupës së Shqipërisë në futboll për femra.

 

Kinostudio – Vllaznia                       0-6

Shënues: Gjergji 3’, Muja 10’, 34’,

Gjini 42’, Doçi 57’(11-m.), 67’

E diel, 28 shkurt 2016, ora 11:10

në Kompleksin Sportiv “Olimpik”, Yrshek

 

Kinostudio: Noka, Molla (Jova 25’), Llalla, Lufi, Poçesta, Fekollari, Lulaj, Cana, Beqiri (Veliaj 12’), Kuçi, Tabaku. Trajner: G. Gjonpalaj

Vllaznia: Durmishi, Sufaj (Baro 46’), Lipa (Bibaj 76’), Begolli, Bajraktari, Proto, Gjergji, Muja, Gjini, Gruda, Doçi. Trajner: N. Leka

Gjyqtarë: L. Alla, D. Koreshi, E. Malo (Lushnjë)

 

Kupa e Shqipërisë

Futboll – Femra

 

Libri i Artë i fitueseve:

 

2009-2010     Tirana AS

2010-2011     Ada e Velipojës

2011-2012     Juban Danja

2012-2013     Juban Danja

2013-2014     Ada e Velipojës

2014-2015     Vllaznia

2015-2016     Vllaznia

Artikuj të tjerëFaqja Kryesore

“Kënga e fundit e mjellmës”… një lamtumirë për 5 futbollistë kuqezi

“Kënga e fundit e mjellmës”… një lamtumirë për 5 futbollistë kuqezi

AlbanianSport.com 15/11/2024 23:40 ASNN – Për herë të fundit në ngjyrat kuqezi, 5 futbollistë i japin

(Video) Kombëtarja / Kuqezinjtë mbyllin përgatitjet për sfidën çeke

(Video) Kombëtarja / Kuqezinjtë mbyllin përgatitjet për sfidën çeke

AlbanianSport.com 15/11/2024 22:30 ASNN – Liga e Kombeve, Kombëtarja mbyll përgatitjet në “Arenën Kombëtare”, gati për ndeshjen ndaj Çekisë. Kështu, Shqipëria e futbollit është gati për takimin e parë të nëntorit ndaj Çekisë, teska skuadra kuqezi, me në krye trajnerin Silvinjo, mbylli mbrëmjen e së premtes përgatitjet në Stadiumin “Arena Kombëtare” në kryeqytet. Sipas burimeve

(Video) Kombëtarja / Silvinjo: Formacioni? Do të pres deri në fund

(Video) Kombëtarja / Silvinjo: Formacioni? Do të pres deri në fund

AlbanianSport.com 15/11/2024 21:55 ASNN – Trajneri i Kombëtares, Silvinjo, tregoi edhe se si paraqitet

(Video) Kombëtarja / Silvinjo: Luajmë para tifozëve tanë, japim gjithçka!

(Video) Kombëtarja / Silvinjo: Luajmë para tifozëve tanë, japim gjithçka!

AlbanianSport.com 15/11/2024 20:45 ASNN – I pyetur në konferencën për shtyp të të premtes, në prag

Video) Kombëtarja / Silvinjo: Çekia, një “njohje e vjetër”, por lipset 100%

Video) Kombëtarja / Silvinjo: Çekia, një “njohje e vjetër”, por lipset 100%

AlbanianSport.com 15/11/2024 19:35 ASNN – Duke iu referuar më tej në konferencën e tij për shtyp

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh