Vllaznia e Shkodrës, ose më saktë absolutja e futbollit shqiptar për femra, dje është shpallur për të treten herë radhazi kampione e Shqipërisë. Kurorëzimi i futbollisteve kuqeblu, me kupën përkatëse dhe medaljet e kampionit, është bërë menjehërë pas ndeshjes Vllaznia-Tirana AS, e cila i përkiste javës së fundit të kampionatit. Sa për kronikë duhet theksuar se me rezultatet e saj fantastike, Vllaznia e kishte siguruar fitimin e titullit “kampion” disa javë përpara përfundimit të saj.

Në këtë mënyrë, duke qenë se rezultati nuk ndryshonte asgjë në pozitat e skuadrave, me mirëkuptim të dy presidentëve përkatëse, Lazër Matija i Vllaznisë dhe Genc Ymeraj i Tirana AS, të mbështetur edhe nga FSHF-ja, takimi që sipas kalendarit duhej të luhej në Tiranë është zhvendosur në qytetin veror për t’i dhënë mundësi skuadrës kampione të festonte me sportdashësit e saj të zjarrtë. 4-0 ka përfunduar kjo ndeshje në favor të Vllaznisë,

Fitore e arritur falë dygolëshit të Begollit, përkatësisht në minutat 30 dhe 43, dhe nga një gol Gruda dhe Gjini. Pas vërshëllimës përfundimtare të gjyqtarit kryesor të ndeshjes, lezhjanit Fjoreno Pjetrushi, në “Reshit Rusi” ka nisur me njëherë festa e titullit.

Vllaznia – Tirana AS                                                4-0

Shënuese: Begolli 30’, 43’, Gruda 35’, Gjini 56’

E dielë, 8 maj 2016, ora 10:00

në stadiumin “Reshit Rusi” të Shkodrës

Vllaznia: Maliqi, Sufaj (Baro), Bajraktari (Qevani), Gjini (Ndoci), Proto, Franja, Begolli, Jashari, Gruda (Gjergji), Doçi, Muja (Lipa). Trajner Nikolin Leka

Tirana AS: Tota, Beqiraga, Kolgjini, Kola, Koldashi, Sallahi, Mema, Liba, Kotarja (Bricka), Kodra. Trajner Arjan Gega

Gjyqtarë: F. Pjetrushi, E. Gjoka, E. Luçi (Lezhë)

Kampionati Kombëtar

i Futbollit – Femra

Java e 18-të

(7-8 maj 2016)

Të shtunën:

Kinostudio – The Door        4-0

Dajti – Skënderbeu              1-3

Juban Danja – Apolonia    3-4

Teuta – AAS                         5-2

Të dielën:

Vllaznia – Tirana AS          4-0

Renditja

Nr.       Skuadra         N.        F.         B.        H.        Gsh-Gp          Pikë

1. Vllaznia         18        18        0            0        134-2              54
2. Kinostudio     18        12        2            4          93-30            38
3. Apolonia        18        11        3            4          70-24            36
4. Tirana AS      18        11        3            4          74-29            36
5. The Door       18        10        3            5          49-33            33
6. Skënderbeu  18          8        1            9          38-54            25
7. Juban Danja 18          7        2            9          46-38            23
8. Teuta              18          3        0          15          18-89              9
9. AAS                18          3        0          15          18-112            7
10. Dajti 18          0        0          18            5-145            0