ASNN – Skënderbeu në futboll për ferma ka arritur të shënojë fitoren e tretë në pesë javë të luajtura, duke fituar lehtësisht dje në Shkodër ndaj AAS me rezultati 2-0. Por pak rëndësi ka fitorja, pasi korçaret e trajnerit Stavrion Lako mund të kishin fituar edhe me shifra shumë të thella. E veçanta ka qenë se pranë portës së Skënderbeut, gjatë gjithë 45 minutat e pjesës së parë, kanë qëndruar tifozë të shumtë pa më të voglin problem.

Ndeshja është ndërprerë në disa momente, madje i është kërkuar delegatit të takimit të largonte edhe tifozët, por polici i vetëm që ka qenë prapa portës së korçareve as ka denjuar ta bënte një gjë të tillë, pasi nuk donte. Në një terren që nuk ka lidhje me futbollin dhe me gafat e gjyqtareve që vetëm gjyqtareve nuk kishin emrin, është luajtur ndeshja e djeshme në një fushë “patatesh” në Shkodër.

Sidoqoftë, Skënderbeu, përsa i përket ndeshjes, nuk e ka pasur aspak të vështirë të mundë skuadrën e AAS, teksa ka siguruar dy golat qysh në pjesën e parë. Ka qenë Kasa që në minutën e 15-të, nga një goditje këndi shënon golin e epërsisë, ndërkohë që gjashtë minuta para përfundimit të kësaj pjese një tjetër elbasanase e Skënderbeut, Valbona Popa, ka shënuar edhe golin e dytë.

Në pjesën e dytë për t’u veçuar vetëm një shtyllë e Zëres në minutën e 61-të. Si përfundim Skënderbeu për femra fiton pastër 2-0 në Shkodër, por që ndeshje të tilla në fushë të tilla nuk i shërbejnë aspak kampionatit shqiptar.

AAS – Skënderbeu                          0-2

Shënues: Kasa 15’, V. Popa 39’

AAS: Gocaj, Syla, Daku, Isaj, Sufaj, Thomaj, Thaçej, Piri (Gjura 33’), Shytani, Tukaj (Prendushi 35’), A. Uruçi. Trajner: A. Uruçi

Skënderbeu: A. Popa, Shkëmbi (Kullira 46’), Demollari (J. Niçku 76’), Zizolli, Muçollari (M. Niçku 46’), Zere, Morava, Kasa, Myrtollari (Sula 61’), V. Popa, Qylalli. Trajner: S. Lako.

Gjyqtare: K. Prenga, E. Kapxhiu, O. Salillari (Durrës)

Karton i verdhë: Syla

Kampionati Kombëtar

i Futbollit – Femra

Java e pestë

(5-6 dhjetor 2015)

Të shtunën:

AAS – Skënderbeu             0-2

Teuta – Juban Danja          0-4

Kinostudio – Dajti                10-1

Apolonia – Tirana AS          4-2

Të dielën:

The Door – Vllaznia                        ora 11:00

Renditja

Nr.       Skuadra         N.        F.         B.        H.        Gsh-Gp          Pikë

1. Vllaznia 4          4          0          0          38-1                12
2. Kinostudio 5          4          0          1          33-9                12
3. Juban Danja 5 3          1          1          18-6                10
4. Tirana AS 5          3          0          2          25-9                9
5. Apolonia 5          3          0          2          14-10              9
6. Skënderbeu 5          3          0          2          8-9                9
7. The Door 4          2          1          1          10-4                7
8. Teuta 5          1          0          4          7-27              3
9. AAS 5          0          0          5          3-33              0
10. Dajti 5          0          0          5          1-49              0