ASNN – Korçaret grumbullojnë 25 pikë në fund të sezonit, teksa në ndeshjen e djeshme mundin lehtësisht 3-1 Dajtin brenda në kryeqytet. Ka përfunduar dje për korçaret sezoni i Kampionatit Kombëtar të Futbollit të Femrave, teksa Skënderbeu e ka mbyllur në mënyrën më të mirë këtë sezon, pasi ka fituar 1-3 mesditën e djeshme në vizitën e kryeqytetit ndaj Dajtit. Në fakt fitorja e Skënderbeut ka qenë më shumë se e lehtë edhe për atë se Dajti e mbyll sezonin në vendin e fundit të kampionatit.

Korçaret e drejtuara nga trajneri Stavrion Lako, edhe pse me mungesat e Albina Rrahmanit dhe Valbona Popës, arrijnë të sigurojnë një fitore me 3 gola, por me pak kujdes kjo fitore mund të ishte edhe më e thellë. Që në nisje të takimit të djeshëm, që u luajt në Yrshek, korçaret hidhen në sulm për të shënuar dhe arrijnë të zhbllokojnë shumë shpejt rezultatin. Në minutën e 9-të, është Myrtollari, që nga e djathta fut një top në zonë dhe Adela Qylalli me kokë e dërgon në rrjetë, duke kaluar mikeshat në epërsi.

Edhe goli i dytë do të vinte shumë shpejt, teksa në të 19-ën minuta është mesfushorja Morava që në vijën e 16-të metrave gjuan saktë dhe çon shifrat në 0-2. Pas këtyre dy golave, Dajti kërkon të bëjë diçka dhe në zbritjen e vetme të ndeshjes, në minutën e 33-të, shënon golin e vetëm për vendëset. Është Meta që në të 33-ën minutë, me një goditje dënimi nga 30 metra larg portës ngushton rezultatin në 1-2. Me këto shifra mbyllet pjesa e parë.

Në pjesën e dytë dhe pikërisht në minutën e 64-t, Skënderbeu ka mundësi të shënojë edhe të tretin, teksa Qylalli fiton një 11-metërsh. Është Rafaela Zere që merr përsipër ta gjuajë dhe topi përfundon jashtë kuadratit. Atë që s’e bën Zere, e bën e talentuara Joana Niçku, që 8 minuta përpara përfundimit të ndeshjes, pas një pasimi të saktë të Myrtollarit, e ndodhur fare pranë portës, mbyll ndeshjen duke shënuar edhe golin e 3-të. Në përfundim, Skënderbeu fiton 3-1 në fushë të huaj, duke i bërë një mbyllje si jo më mirë sezonit me 25 pikë të grumbulluara gjithsej.

Dajti – Skënderbeu                           1-3

Shënues: Meta 33’ / Qylalli 9’,

Morava 19’, J. Niçku 82’

Dajti: Spaho, Domi, Hoda, Visha, Zalla, Sena, Nika, Xhaferri, Disha, Meta, Xhaja. Trajner: K.Gjonpalaj

Skënderbeu: Sula, Kasa, Kullira, Zizolli, M.Niçku, Zere, Shkëmbi, Morava, Qylalli, Myrtollari, J.Niçku. Trajner: S. Lako

Gjyqtarë: F. Borova, S. Tusha, Gj. Asllani (Shkodër)

Kampionati Kombëtar

i Futbollit – Femra

Java e 18-të

(7-8 maj 2016)

Të shtunën:

Kinostudio – The Door        4-0

Dajti – Skënderbeu              1-3

Juban Danja – Apolonia    3-4

Teuta – AAS                         5-2

Të dielën:

Vllaznia – Tirana AS

Renditja

Nr.       Skuadra         N.        F.         B.        H.        Gsh-Gp          Pikë

1. Vllaznia         17        17        0            0        130-2              51
2. Kinostudio     18        12        2            4          93-30            38
3. Tirana AS      17        11        3            3          74-25            36
4. Apolonia        18        11        3            4          70-24            36
5. The Door       18        10        3            5          49-33            33
6. Skënderbeu  18          8        1            9          38-54            25
7. Juban Danja 18          7        2            9          46-38            23
8. Teuta              18          3        0          15          18-89              9
9. AAS                18          3        0          15          18-112            7
10. Dajti 18          0        0          18            5-145            0