ASNN – Akademia “AAS”, ekipi privat shkodran, e ka mbyllur me fitore këtë sezon dhe ka arritur suksesin më të madh në historinë e këtij klubi pasi është renditur në vendin e 4-t të futbollit të femrave. Skënderbeu dje e ka mbyllur kampionatin e femrave të këtij viti me humbjen 0-3 në shtëpi duke treguar se me këtë grup vajzash nuk mund të arrinte më shumë se kaq.

Tri herë zbriti Akademia AAS në portën e Skënderbeut dhe po 3 herë shënoi. Serinë e golave për mikeshat nga Shkodra e ka hapur Armoku, që në minutën e 19-të, e ndodhur në zonën korçare, gjuan lehtësisht dhe shënon golin e epërsinë. Vetëm 8 minuta më vonë është sërish e njëjta futbolliste Armoku, që imiton golin e parë dhe shënon pas gabimit të mbrojtjes korçare. Me shifrat 0-2 mbyllen 45 minutat e para.

Në nisjen e pjesës së dytë, Skënderbeu humbet mundësinë më të mirë për të ngushtuar diferencën, teksa në minutën e 48-të, Qose nuk godet saktë nga pika e bardhë e 11-metërshit, ndërsa topi i gjuajtur prej saj është ndalur në shtyllë.  Kur nuk shënon e pëson dhe kjo ndodh në minutën e 55-të kur Tuka, për mikeshat shkodrane, gjuan nga largësia dhe trefishon rezultatin. E përfundimisht 3-0 për AAS-në.

Skënderbeu – Akademia AAS       0-3

Shënuese: Armoku 19’, 27’, Tuka 55’

Skënderbeu: M. Niçku, Shkëmbi, Kullira, Zizolli, Binjaku, Potomi, Morava, Bako (Sula 59’), Qose, Qylalli, J. Niçku. Trajner: S. Lako

Akademia AAS: Gocaj, Brahimi, Halili, Rrasari, Skutina, Isaj, Shmidra, Lulaj, Sufaj, Tuka, Armoku. Trajner: D. Rakaj

Gjyqtarë: E. Rusta, M. Salla, B. Korra (Elbasan)

Kampionati Kombëtar

i Futbollit – Femra

Java e 18-të

(6-7 maj 2017)

Të shtunën:

Skënderbeu – AAS             0-3

Të dielën:

Juban Danja – Apolonia

Tirana AS – Teuta

Vllaznia – The Door

Kinostudio – Dajti

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia                     16        16        0            0        146-1              48
2. Apolonia                    17        13        2            2          72-11            41
3. Kinostudio                 17        12        2            3        135-22            38
4. Akademia AAS         18        11        1            6          61-46            34
5. Teuta                          17          7        2            8          33-46            23
6. Juban Danja             17          7        1            9          46-68            22
7. Tirana AS                  15          6        1            8          42-44            19
8. Skënderbeu              18          4        1          13          14-102          13
9. Dajti                            17          3        0          14          21-85              9
10. The Door 16          0        0          16          13-170            0