ASNN – “UEFA Development” për Nën-16-vjeçaret, Shqipëria luan ndeshjen e dytë ndaj Skocisë. Janë luajtur të mërkurën në “Shtëpinë e Futbollit“ në kryeqytet takime e dyta të turneut “UEFA Development” U-16 për vajza. Ky turne organizohet në vendin tonë nga Federata Shqiptare e Futbollit (FSHF), në bashkëpunim me UEFA-n dhe marrin pjesë Kombëtaret e Shqipërisë, Kosovës, Skocisë dhe Portugalisë.
Shqipëria e kësaj grupmoshe u mund në ndeshjen e dytë ndaj Skocisë me rezultatin minimal 0-1. Trajnerja Cyme Lulaj e nisi me këtë formacion titullar sfidën ndaj Skocisë: Lusia Krraba në portë e më pas Gelda Kadiolli, Imelda Ara, Marina Rushaj, Meri Zekaj, Aishe Sulejmani, Ganie Memetaj, Albana Malaj, Samanta Hysa, Andrea Klleci dhe Neila Rakipaj.
Pavarësisht humbjes, Nën-16-vjeçaret kuqezi zhvilluan një ndeshje të mirë përballë Skocisë. Pjesa e parë e takimit u mbyll në barazim 0-0, ndërsa në pjesën e dytë, vajzat shqiptare pësuan një gol në minutën e 72-të. Shqipëria u mundua të reagonte dhe i shkoi shumë pranë golit të barazimit në minutën e 79-të, por topi u ndal nga shtylla horizontale e portës skoceze.
Edhe në minutën e parë shtesë, Shqipëria ishte sërish shumë pranë barazimit, por goditja nga larg u ndal sërish nga shtylla horizontale. Pavarsisht përpjekjeve të shumta për të barazuar sfidën, Nën-16-vjeçaret e Skocisë administruan epërsinë dhe takimi u mbyll 0-1. Po të mërkurën në “Shtëpinë e Futbollit” u luajt ndeshja Portugali-Kosovë.
Kjo sfidë përfundoi me fitoren e vajzave të Portugalisë 2-0. Shqipëria e Nën-16-vjeçareve do të luajë ndeshjen e fundit në turneun “UEFA Development” të premten ndaj Portugalisë në orën 14:30, të nesërmen, Kosova do të përballet me Skocinë.
Kalendari dhe rezultatet e ndeshjeve në turneun
“UEFA Development“ për Nën-16-vjeçaret
11 mars 2024:
Skoci – Portugali 1-1 (4-2 pas 11-m.)
Shqipëri – Kosovë 0-6
13 mars 2024:
Portugali – Kosovë 2-0
“Shtëpia e Futbollit”, Tiranë
Shqipëri – Skoci 0-1
“Shtëpia e Futbollit”, Tiranë
15 mars 2024:
Shqipëri – Portugali (14:30)
“Shtëpia e Futbollit”, Tiranë
16 mars 2024:
Kosovë – Skoci (11:30)
“Shtëpia e Futbollit”, Tiranë
