ASNN – Do të luhen këtë fundjavë ndeshjet e dyta gjysmëfinale të Kupës së Shqipërisë për femra. Apolonia dhe Partizani janë tashmë një hap larg finales së madhe të këtij edicioni të 15-të të kësaj veprimtarie.

Të shtunën, Apolonia do të udhëtojë drejt Gamshit për të luajtur ndeshjen e kthimit, pas fitores në takimin e parë me rezultatin e thellë 12-0. Kjo sfidë do të luhet të shtunën në qytetin e Gramshit, duke nisur nga ora 12:30.

Sakaq, pritet një tjetër derbi i nxehtë kryeqytetas këtë fundjavë. Partizani mposhti Tiranën në takimin e parë me rezultatin 4-0, teksa në sfidën që do të luhet të dielën, vajzat bardheblu do të tentojnë përmbysjen e rezultatit.

Po, të kuqet synojnë finalen e parë në Kupën e Shqipërisë dhe gjithçka do të vendoset të dielën në fushën e Kompleksit “Skënder Halili” në kryeqytet, në sfidën që luhet duke nisur nga ora 14:00.

Kupa e Shqipërisë

Futboll – Femra

Gjysmëfinalet:

27 janar 2024:

Apolonia – Gramshi             12-0

3 shkurt 2024:

Gramshi – Apolonia             (12:30)

28 janar 2024:

Partizani – Tirana                 4-0

4 shkurt 2024:

Tirana – Partizani                 (14:00)