Federata Shqiptare e Futbollit dje ka zbardhur skemën e Kupës së Shqipërisë për sezonin 2016-2017. Një veprimtari që i paraprin fazës së dytë të kampionatit, ndërsa fituese në fuqi është Vllaznia, e cila në finalen e shkurtit të vitit të kaluar pati mundur Kinostudion me rezultatin tenistik 6-0.

E duke qenë dominuese e fazës së parë me të gjitha fitore dhe me plot 92 gola të shënuar dhe asnjë të pësuar, skuadra shkodrane, pa paragjykuar të tjerët, duket se do të jetë përsëri e pathyeshme. Në këtë edicion të Kupës së Shqipërisë marrin pjesë Vllaznia, Kinostudio, Apolonia, Tirana AS, The Door, Juban Danja, AAS, Dajti e Teuta.

Mungon Skënderbeu, që është përjashtuar këtë sezon për shkak të mosparaqitjes në edicionin e kaluar. Dhe për rrjedhojë Kupa e Shqipërisë për edicionin 2016-2017 do të organizohet me katër raunde në të cilat do të marrin pjesë nëntë ekipe. Ndeshjet do të luhen në fushën e skuadrave që janë të renditura më poshtë në tabelën e klasifikimit.

Kësisoj pas ndeshjes së kombëtares së femrave me të rejat e Italisë, që do të luhet të mërkurën, duke nisur nga ora 14:00, në Stadiumin “Elbasan Arena” dhe do të sillet drejtpërdrejt nga Rrjeti i Radio-Televizionit Shqiptar, futbolli i femrave brenda shkurtit do të njohë fituese e Kupës së Shqipërisë.

Kupa e Shqipërisë 2017

Futboll – Femra

Turi paraeleminator

(30 janar 2017)

Akademia AAS – Skënderbeu

(AAS kualifikohet aforfe)

Teuta – Dajti

Çerekfinalet

(6 shkurt 2017)

Vllaznia – fituesja e çiftit Teuta-Dajti

Kinostudio – Akademia AAS

Apolonia – Juban Danja

Tirana AS – The Door

Gjysmëfinalet

(13 shkurt 2017)

Fituesja e çiftit Vllaznia – Teuta-Dajti / Fituesja e çiftit Tirana-The Door

Fituesja e çiftit Kinostudio – Akademia AAS / Fituesja e çiftit Apolonia-Juban Danja